حط إيده ياه

حط إيده ياه النائبة سحر عتمان، عضو مجلس النواب، قالت أثناء مناقشة توصيات مجلس الدولة قبل التصديق على لائحة المجلس: «مجلس الدولة حط إيديه على مجلس النواب.. مبروك علينا»، الله يبارك فيكى، هو للأسف إحنا مش عارفين مين حاطط إيده على مين وفين.

هو إحنا كفرة؟ عم بشندى يسأل الباشمهندس شريف إسماعيل: يارئيس الوزراء.. حضرتك خفضت سعر الغاز لأحمد عز بتاع الحديد، وغليته علينا هو والكهربا والميه والسكر والشاى والزيت، هو إحنا كفرة؟!.. طب متعرفش حد يشترى بناتى التلاتة علشان أعرف آكل أنا وأمهم؟! دكتور الجامعة.. والساعى أستاذ بجامعة الزقازيق يطالب بتقدير للأستاذ الذى أفنى حياته بين الكتب والمراجع، بعد المعاش، قائلا: معاش ساعى البنك ثلاثة أضعاف الأستاذ المتفرغ .. هم يضحك، فمع كامل الاحترام للأستاذ والساعى.. الحرامى فى مصر يأخذ ثلاثة آلاف ضعف معاشكما معا.