قال دستور قال!

قال دستور قال! بهاء أبوشقة، رئيس اللجنة الدستورية والتشريعية بمجلس النواب قال إنه لا توجد أى مشكلة فى حالة عدم التزام البرلمان بالدستور.. الله ينور يا أفندم، ومش بس البرلمان، مفيش مشكلة لو محدش التزم بالدستور خالص، دستور إيه يا راجل، بلا كلام فاضى، إحنا ناس محترمين.

عليك بإيه البهدلة؟! نائب برلمانى بمحافظة الشرقية استلم وزير التموين وعايره بفشله، وقال له: انت فاشل، ووزارتك فاشلة، وسيارات القوات المسلحة تلقى إقبالا كبيرا عليها، فى حين أنك لا تستطيع السيطرة على الأسعار، عزيزى وزير التموين، يا تشتغل يا تستقيل، حرام عليك تبهدل نفسك كده.

بلد الهشك بشك السادة المسؤولون عن الآثار فى مصر حولوا الآثار إلى قاعات أفراح، بدأنا بقلعة قايتباى، وقصر محمد على، والمتحف المصرى، والأهرامات والمعابد فى الطريق، ونحن كمواطنين غلابة لا نعترض على التصرف فى الآثار بهذا الشكل المهين، ولكن نتساءل: إن كانت الأسعار تشمل الجاتوه والفرقة والرقاصة أم لا؟!