فجرت صفحة وهمية على الفيس بوك تحمل اسم "صفحة أمناء مصر"، ثورة ساخرة حيث انهالت التعليقات التى تجاوزت ألف ومائتى تعليقا، بسبب بوست نشرته الصفحة كتبت عليه ""25يناير عيد الشرطة المصرية فقط".
وهاجم مئات النشطاء البوست بتعليقات كثيرة ساخرة، بخفة دم معهودة على الرغم من اعتراف بعضهم بأنها صفحة وهمية وليست خاصة بالشرطة أو مسئولة عنها وأن القائم عليها يريد استفزاز الكثيرين.
كما نشر النشطاء بعض الصور القديمة لأحداث ثورة يناير 2011، عن أحداث اقتحام الأقسام وإحراق سيارات الشرطة، انتقاما من البوست الساخر، فيما يتناول موقع "انفراد" التعليقات الكوميدية فقط دون السباب أو الشتائم .
وعلق أحمد مجاهد على البوست بعبارة " أخش أجيبلك سطر الجلاليب من جوة" إشارة إلى المشهد الشهير للفنان أحمد حلمى فى فيلم "زكى شان" ، فيما كتب اخر " عيد الثوووره هى ضاعت بس برضو عيد الثوره".
ورد النشطاء بتعليقات "ان كنت ناسى افكرك..ههههههههههه بتحطو نفسكم فى مواقف بايخة" وكتب اخر "هههههههه عيد الشرطة فقط هههههه انتم فاكرين ان العالم كله جاله زهايمر ولا ايه" .
وروى ناشط موقف كوميدى قائلا "إفتكرت كان حد بيوصفلى مشهد حصل قدام القائد ابراهيم فى العشرة الاوائل من فبراير ٢٠١١،بوكس معدى فتلشباب وقفوه وقعد يلفوا حوليه ويطبلوا "حمد الله ع السلامة ألا ألا.. أشتقنا ليكم ياما ألا ألا .
ونشر ناشط "المشكلة ان كل اللى داخل يعلق ع الصفحه دي عارف انها ملهاش اي علاقه بالامناء ولا بوزارة الداخلية ومع ذلك داخل يشتم وبيقنع نفسه انها صفحه حقيقة".."هي دي صفحة الشرطة المصرية بجد؟ دا انا كنت فاكرها صفحة ساخرة" .."انتو عملين زي ال بيكره واحد ومش قادر عليه فعملوا تمثال ف البيت وقاعد يضرب ويشتم فيه".
وكتب اخر"لاء يا باشا عيد الشرطة يوم 28 يناير كل سنة وأنتم طيبين وبعودة الأيام..أنت صح في دي و كل سنه و انتوا طيبين يلا علشان انتوا كمان تهنونا بعيد الشعب بعدكم ب 3 ايام يوم 28 يناير"
وكان لاخر رأى مختلف تماما فكتب "ياجماعه بصوا ع الايجابيات مفيش اخطاء إملائية ف الكلام اللى مكتوب..واخر "ربنا يشفى اول مرة فى حياتى اشوف فى بلد .. مؤسسات دولتها بيعاندوا مع الشعب..واخر "تاخد ورقه عريضه وتحط صوره البرادعي بروفايل؟ .
ووجه الأخير نصحية للصفحة الوهمية ونشر "نصيحة إقفلوا الصفحة عشان الناس داخلة مخصوص تقرأ التعليقات و تضحك و تشمت فيكو" .