معركة الفتيات VS الشباب.."خليك فى حضن أمك" ترد على "خليها تعنس".. مغردون: تكاليف الزواج مبالغ فيها.. وتنازل الأهالى يعتبره العريس "جوازة رخيصة".. "أسماء": إحنا مش سلعة.. و"حسن": لابد من خفض أسعار المه

معركة شرسة بين الفتيات والشباب عبر مواقع السوشيال ميديا، بعد حملة "خليها تعنس" التى تصدرت قائمة الأكثر تداولا على تويتر فى مصر، فيما دشنت فتيات كلا من حملة "خليك فى حضن أمك"، وحملة "خليه يخلل"، ردا على حملات الشباب لمقاطعة الزواج بسبب ارتفاع التكاليف والمهور والمطالبات الغير منطقية ، بينما حاول البعض البحث عن حلول لتلك المشكلات الاجتماعية. وأرجعت سحر علاء- مغردة على موقع تويتر، أزمة ارتفاع تكاليف الزواج فى مصر إلى عدم تنازل الأهالى عن مستوى معين، قائلة:"المشكلة ياجماعة مش فى خليها تعنس ولا خليه جمب أمه، المشكلة إن تكاليف الجواز بقت أوفر وفى نفس الوقت لم بتلاقى أهالى تتنازل العريس يعتبرها جوازة رخيصة وتلاقيه بعد الجواز ميعرفش قيمتها وممكن توصل للطلاق الحل خير الأمور الوسط الطرفين يجيبوا في حدود العقل". وهاجمت دعاء، هاشتاج "خليها تعنس" مشيرة إلى أن النساء ليست سلعة تباع وتشترى، ولا يرضا أحدا ذلك على أخته أو إبنته، قائلة:" حد عمل هاشتاج خليها تعنس أحب أقوله أن الستات و البنات ليست سلعة و لا أظنك ترضاه على أختك أو بنتك .. و إذا كان هناك بعض الناس يغالون فى طلبات الزواج فده موش مبرر أبداً للغباء ده ... طيب البنات عملت حملة "خليك في حضن أمك".. هتقدر تفتح بؤك". دعاء: الستات ليست سلعه وغرد حسن، قائلا :" أنا ضد حملة خليها تعنس دى.. لو عايز تتجوز أعمل حملة على الوحدات السكنية وأسعار الأجهزة الكهربائية والمهور الغالية أما البنت اللى هتعنس دى أختك وقريبتك وكلنا نتمنى الستر ليهم ولبنات المسلمين ربنا يعفنا ويعفهن بالحلال بلاش هبل". حسن : لابد من حملة لخفض أسعار السلع الكهربائية وقالت أمال: "أنا مع الحملة دى جدا وياريتها تجيب نتيجة إيجابية مع الأهالى لتقليل تكاليف الجواز والتنازل عن كل أى حاجة ممكن الاستغناء عنها"، ووصف مصطفى أزمة زواج الشباب فى مصر قائلاً :" احنا شباب متخرجين وشغالين بدون الشهادة ممكن تلقى مهندس شغال فى مطعم ومحاسب كاشير والمحامى سواق مكروباص وتيجى تفكر فى الجواز أبوها يقولك بنتى ماينفعش ييجي لها شبكة أقل من بنت خالتها"،طب ياعم الحج خليها تعنس". وغردت أسماء قائلة:" الستات لازم تعرف أنها مش سلعة و لا مزاد للى يدفع اكتر و لازم تتحمل المسؤولية لأن الجواز ده مسؤولية و أول حاجة تثبت فيها الست إذا كانت هتقدر على هذه المسؤولية أو لاء هو تحملها لظروف زوجها سواء المادية أو المهنية، الجواز عمره ما كان شقة غالية و شبكة و مهر وفرح". مصطفى يعرض وجهة نظره عبر الهاشتاج وعارض شاهين فكرة الهاشتاجات بين الفتيات والرجال، قائلاً :" لا حول ولا قوة إلا بالله هي مين اللي خليها تعنس أختك ولا بنتك ومين اللي خليك في حضن أمك ابنك ولا أخوك ..انتوا كده ضد سنة الله فى الأرض"،وأضافت منار :"حملتين ضد بعض !.. خليها تعنس خليه يخلل هذا مؤشر خطير على مجتمعنا ويحد من الترابط والامتناع عن ما حلل الله به وهو الزواج والحب وزيادة النسل ..ياريت مش كل حاجة ننقاد وراها دون التعرف على النتائج السلبية".