الخاين بشيلته.. أخطر تسريبات تكشف بالصوت والصورة حقيقة حركة "اطمن انت مش لوحدك" وتبعيتها لأجهزة المخابرات المعادية والثمن مئات الآلاف.. تسجيل يفضح كيف يخطط "ياسر العمدة" لعمليات إرهابية ضد الجيش والشر

في ضربة كبيرة لجماعة الإخوان الإرهابية، وفضيحة جديدة من مسلسل فضائحهم الطويل، كشفت تسريبات بالصوت والصورة كيف تفكر هذه الجماعة في زعزعة استقرار مصر، حصل "انفراد" على فيديو يتضمن مكالمات هاتفية بين عدد من أعضاء جماعة الإخوان الإرهابية لتنفيذ مخططاتها بالتحريض على الدولة المصرية وتأليب السوشيال ميديا ووسائل الإعلام بالتنسيق مع مخابرات دول معادية لمصر، ويكشف الفيديو الحقيقة الكاملة وراء الحركة الشعبية اطمن انت مش لوحدك؟ التى أطلقتها جماعة الإخوان الإرهابية. بدأ الأمر فى أواخر عام 2016 بما يدعى "ثورة الغلابة" التابعة للإخوانى الهارب بتركيا "ياسر العمدة"، أحد مسئولى اللجنة الإعلامية لتنظيم طلائع حسم" المسلح التابع لجماعة الإخوان والذى تبرأ منه أهله لانضمامه للجماعة الإرهابية، يقول أخوه محمود عبد الحليم العمدة :"احنا اسقطناه من حساباتنا لأنه خاين وجاسوس وإنسان يجب أن تسقط عنه الجنسية ولا يستحق أن يكون مصرى". وبعد إحباط مخطط "ثورة الغلابة" قام بإنشاء ما يسمى بإنتفاضة "اللهم ثورة" وقام الإرهابى ياسر العمدة بدعوة بعض أعضاء الجماعة الإرهابية بتصنيع قنابل لإلقائها على سيارات الشرطة وتصنيع أدوات تخريبية، ففى تسريب صوتى له قال نصا:"إزازة لتر من دى لو اترمت من فوق على مدرعة شكرا على كده هتولع فيها هتولع فيها مفهاش كلام". ولجأ الإخوانى ياسر العمدة إلى مجموعة من الهاربين ومنهم شخص يدعى "أبو عمر المصرى" و"أحمد أبو عمار" ، وأبو عمر المصرى انضم للجماعة الإرهابية فى أواخر عام 2016 وهرب من السعودية إلى أحد الدول الأوروبية وتم إحباط مخطط اللهم ثورة وأصبح ياسر العمدة كارت محروق مما دفع إلى ظهور غيره، ألا وهو "أحمد أبو عمار" الذى يقول فى إحدى التسريبات الصوتية له:" طيب بالنسبة للنقاش النقطة هتكون بالنسبة للدينا بتاعة هانى صبرى اللى هو بتاع اذاعة "هنا الثورة" اللى اتكلمنا فيها قبل كدة بيقولى طيب أنا عاوز أعمل حاجه فكر فيها ورد عليا قولتله ماشى وقالى عايز نكون صفحة عددها يقدر بمئات الآلاف ونبدأ ب100 ألف ولا حاجة ونكبرها والشيخ خالد وأكثر من شخصية تتصدر المشهد فى الانتفاضة تمام لان طبعا احنا عارفين هو أصلا شكله فهم ههه الحوار كله بتاع ياسر تمام". وتابع أبو عمار فى الفيديو:" قالى انا فاهم الدنيا مع ياسر فاهم انه مش هيطلع تانى والظهور والكلام ده كله وانكم انتوا مكملين وقالى انا عايز اسألك سؤال لو دلوقتى انا هجبلك دعم يقدر بمئات الآلاف وده من دول كمان مش من أشخاص بعينها أو مش من اشخاص مصريين اصلا يعنى، تمويل ودعم من دول وكمان ممكن تدى رواتب للناس اللى هتشتغل معاك وقالى نبنى صفحة كبيرة باسم الانتفاضة ويكون عددها كبير وزى الشيخ خالد وكذا شخصية عامة يتبنوا الانتفاضة ويشتغلوا عليها ونقويها ونزودها وحتى الموضوع يتصدر عالسوشيال والاعلام وانا بقولك اهو هجبلك دعم من دول مش من شخصيات كمان، انا بس هضيف جزئية علشان الكلام يبقى كله تمام والكلام ده خاص بيك بس، وكمان قالى ان فيه توصل مع "المخابرات......"، والموضوع ده يعنى بيقول احنا شغالين بناء على تواصل معاهم واحنا شغالين علشان نبنى كيان ثورى كبير عالفيسبوك". واستطرد الارهابى أحمد أبو عمار " احنا شغالين على إننا نبنى كيان ثورى كبير جدا صفحته على الفيس تقدر بالمئات .. حاجات كثير جدا جدا تكون قوية وكبيرة .. وقالى هما اللى هيتولوا الموضوع دعم وحتى المرتبات .. تخيل قالى حتى لو معاك 100ألف واحد على الأرض مرتب شهرى كل يوم هيدفعلوه ". وتجدر الإشارة إلى أن أحمد أبو عمار هو أحد عناصر الجماعات الارهابية هارب بدولة ليبيا ويعتبر الرجل الثانى بعد ياسر العمدة ،أما هانى صبرى هو أحد أعضاء الجماعات الارهابية – هارب بقطر ومؤسس ما يسمى ب" إذاعة هنا الثورة " وأصبحت حركتى " اللهم ثورة و" إذاعة هنا الثورة " تحت مسمى جديد يدعى الحركة الشعبية المصرية " وأصبحت تحت قيادة كلا من أبو عمر المصرى ممثلا عن حركة اللهم ثورة وهانى صبرى ممثلا عن حركة إذاعة هنا الثورة بناء على تعليمات وتمويل من الخارج . وفى لقاء جمع محمد صلاح سعد "ضابط شرطة مفصول بسبب أفكاره المتطرفة – هرب إلى تركيا وانضم إلى الجماعة الارهابية "وعلى أبو النجا "طيار مصرى هرب إلى أمريكا وأحد المسئولين عن تمويل الجماعة الارهابية"مع ياسر العمدة من اسطنبول ضمن دعم الثلاثى لدعوة " إطمن انت مش لوحدك " قال على أبو النجا " احنا فى لقاء ثلاثى من اسطنبول علشان ندعم انت مش لوحدك ". وقال محمد سعد " احنا طالعين ندعم حراك اطمن انت مش لوحدك مضيفا " حد هيجى يساعدنا من بره أهلا وسهلا " وقاطعه أبو النجا قائلا " كان عشمنا فى الناس دى انه تقف معانا من 2016 لما كنا بندعو لثورة الغلابة وكان عشمنا جامد جدا فى محمد ناصر ومعتز مطر " وقال ياسر العمدة " النهاردة فى حاجة بتحصل لم تتم قبل ذلك .. احنا تقريبا بدأن نتوحد كل ما كا ن بيطلع فى أى نشاط أو دعوة ثورية أو بث مباشر .. الكل بدأ يتواصل مع بعض .. احنا كلنا رجل واحد وماشين فى الاتجاهات ده ". وفى وصلة مدح للرئيس التركى أردوغان والرئيس المعزول محمد مرسى قال على أبو النجا واصفا أردوغان " الرجل الشهم المخلص الخلوق واللى عنده دين واحساس وأخلاق ومبدأ .. بيدافع عن أى مظلوم .. الزعيم والقائد الرجل اللى أشرف وأطهر انسان شافته البشرية هو والدكتور محمد مرسى فى الوقت اللى احنا فيه". واستكمل ياسر عمدة " اللى بيهاجم أردوغان هو بيهاجم أمة .. تركيا مختلفة تمامما عن مصر .. واحنا لسة موصلناش ل واحد فى الألف من الحضارة اللى وصلت ليها تركيا فى ال10 سنوات اللى فاتت ". وقال محمد سعد " يعنى انت لو بتلعب شطرنج .. فمصر تقدر تحسبها عسكرى او بالكثير طابية .. انما الملك هى تركيا .. واللى متمثلة فى شخص طيب أردوغان اللى ربنا يحيمه وهو سبب وجود ناس كثير فى أمان ووجود الأمة كلها ". واستكمل " محمد مرسى كان عنده اخلاص لكن ربنا لم يكتب له الحكمة " وقاطعه على أبو النجا قائلا " وكان الشعب جاهل ، والحاجة الوحيدة اللى بشهد ليها فى مصر للطيران انى طرت بمحمد مرسى 4 مرات وده أكبر وسام شرف ليا فى حياتى كلها ". وتم كشف واحباط مخططات الحركة الشعبية المصرية واطمن انت مش لوحدك والتى كانت تهدف إلى نشر الفوضى وإثارة الشغب فى مصر .