أن تقطع أيديهم وأرجلهم من خلاف، خير لهم وأقوم من خيانة الوطن وترابه، الذين باعوا العرض والأرض يتباهون جهارا ونهارا بخيانتهم، خانوا الله قبل خيانة الوطن، لذا صدق فيهم قول ربنا عز وجل فى محكم تنزيله: "وَإِنْ يُرِيدُوا خِيَانَتَكَ فَقَدْ خَانُوا اللَّهَ مِنْ قَبْلُ فَأَمْكَنَ مِنْهُمْ".
الشاعر إسلام خليل، وبطريقته الخاصة فى دعم الوطن، طرح قصيدة جديدة بعنوان "محمد على الكداب"، لكشف الخونة والعملاء الذين استهوتهم الشياطين وباعوا أنفسهم وأوطانهم مقابل حفنة من الدولارات، ورضوا أن يكونوا مع الخوالف الذين طبع الله على قلوبهم.
وإلى نص القصيدة..
"اللى معاه ربنا مش بيخاف من حد
والشعب المصرى وجيشه إيد واحدة بجد بجد
حتة ممثل فاشل ساقط ملوش ترتيب غلط فى مصر وجيشها ويستاهل التأديب
اسمه محمد على.. مش يعنى "على كلاي" دا حتة عيل فاسد وحرامى ورغاي
ولا نعرف مين بسلامته ولا حتى يطلع إيه؟
والنعمة أنا ما أعرفه ولا عمرى سمعت عليه
فيه ناس بيقولوا ممثل فشل وكان بيحاول.. ولما ملقاش فايدة راح واشتغل مقاول
هرب على البر التانى وده حلمه من زمان كان نفسه يروح يعيش فى جنة أردوغان
طب فاشل فى التمثيل وده كان من الأول باين
لكن اللى مكنش واضح إنك جاسوس وخاين
بأى حق يا فاسد تغلط فى جيش ورئيس
هو أنت فاكر الشعب هيسيبك يا خسيس
محدش خان البلد دى اللى لما وقع واتعرف
الجيش المصرى يا شاطر رمز الكرامة والشرف
الريس قالها مرة ..الجيش ده زى النار بلاش تقرب منه بجد أو هزار
فيه ناس ملقاش مزاج إن الفساد ينتهى
محمد على مين يا عم روح اتلهى
زعلان عشان ماعرفتش تسرق أو ترتشي
دا أبوك بنفسه طلع وقالك عيب اختشى
السيسي عشان كشفكم عاملين حرب عليه
دا فيه شعب 100 مليون واقفين جانبه وحواليه
محمد على يا أبو "كاكا" الدور جايلك يا خسيس
ما أنت اللى اركبت الناقة وشرخت مع الجواسيس
الجيش المصرى يا علوة مبيتلعبش عليه واسأل عشماوى يقولك الخاين آخرته إيه؟