خالد صلاح على تويتر: "مصر المرة دى فى حماية شعبها.. والإخوان عاوزين يرجعوا مهما كلفهم الأمر وكلف اللى بيمولوهم.. الحكاية مش بالعافية ولا بالتحريض على الخراب.. مش هنضيع تعب السنين ونخربها قبل ما نحصد ث

أكد الكاتب الصحفى خالد صلاح،رئيس مجلس إدارة وتحرير "انفراد"، رغبة جماعة الإخوان الإرهابية فى العودة إلى المشهد بغض النظر عن التكلفة، موضحا أن هناك تمويلا كبيرا من هذه الجماعة الإرهابية على الإعلام والسوشيال ميديا، بالإضافة إلى تمويل داخلى من أجل نشر القتل والحرق والتخريب حتى تكون مصر تابعة لقطر وتركيا ويحكمها الدواعش. وقال الكاتب الصحفى خالد صلاح عبر حسابه على "تويتر": "إحنا متأكدين إن الاخوان عاوزين يرجعوا.. مهما ده كلفهم وكلف اللي بيمولوهم من فلوس على الإعلام وقنوات وسوشيال ميديا.. أو دفع فلوس لعناصر معاهم فى الداخل.. يعملوا أي حاجة.. قتل وحرق وتخريب وتدمير وعنف.. المهم مصر تبقى فى جيب قطر الصغير.. ونشتغل عند الأتراك ويحكمنا الدواعش". وتابع الكاتب الصحفى خالد صلاح: "المرة دي فيه شعب فاهم كويس.. والحكاية مش بالعافية ومش بتحريض الناس على سيناريوهات الخراب.. المرة دي فيه ناس مصممة إن بلدها ما تضيعش أبداً فى حروب الزيف والتضليل.. فيه ناس هتدافع عن بلدها فى كل ميدان وفى كل شارع وفى كل حارة.. المرة دي مصر فى حماية شعبها". وأضاف الكاتب الصحفى خالد صلاح قائلا: "فيه ناس عارفة حجم اللي حصل من بناء فى البلد واستحملت كتير أوي.. تعب وصبر عشان مصر تعدي من محنتها المتراكمة ومن الإرهاب اللي بينهش فى ولادها.. مش هنضيع تعب السنين ونخربها قبل ما نحصد ثمار تعبنا.. لو عاوزين ترجعوا بالتخريب تاني بفكركم.. إن مصر فى حماية شعبها.. والله مولانا ولا مولى لهم". وتواجه جماعة الإخوان الإرهابية وعناصرها حالة كبيرة من الفشل الذريع خلال الساعات القليلة الماضية، بعد صدمة انهيار دعواتهم فى الشارع خلال الساعات الماضية، ورغم استخدامهم كافة الأساليب من أجل دعوة أبناء الشعب المصرى إلى النزول والتظاهر ضد الدولة، والسعى بكل قوة إلى نشر سيناريوهات الخراب فى كل مكان.