فتحت قضية الطالب المتحرش الأخيرة الباب للكثير من النجمات الشابات للتحدث عن تجاربهن مع التحرش سواء فى الوقت الحالى أو فى مرحلة طفولتهن، وآخرها ما كشفت عنه اليوم الفنانة ياسمين غيث، حيث أفصحت عن تعرضها للتحرش فى مرحلة الدراسة من أحد المدرسين، مؤكدة أن هذه الواقعة تسببت فى صدمة كبيرة لها مما أدى إلى تركها المدرسة، موجهة النصيحة للأمهات بضرورة سماع بناتهن ودعمهن فى حالة تعرضهن لمثل هذه الحالات.
وقالت ياسمين فى فيديو لها عبر حسابها بموقع "انستجرام" :"انا حصلتلى حادثة وأنا فى تانية ثانوى اذيتنى وعشان كدة انا فكراها لغاية دلوقتى المدرس كان بيدرسلى كيمياء كان سبب انى اكره المادة والمدرسة كان من النوع اللى بيلمس بطريقة مش مريحة و بيعمل ده مع اى بنت وكان معروف ومحدش خد معاه اى إجراء لأنه كان فى منصب كبير فى المدرسة ولما حاول يمسكنى بطريقة مش مريحة مسكتش وهزقته".
View this post on Instagram
_____ كل ست في العالم حصلها تحرش بطريقة أو بأخري، و ماينفعش تسكتي! #قولي_ماتسكتيش إتشجعي و إفضحي اللي آذاكي علشان يتإذي هو كمان، حتي لو آذاكي معنوياً فقط! _____ Call 15115 to report any harassment or abuse! #NoMeansNo #MeToo #WeAreInThisTogether
A post shared by 🗯وندر وومان-aka-ياسمين غَيْثْ🗯 (@yasmineghaith) on
Jul 6, 2020 at 12:22pm PDT
وتابعت :"كانت بالنسبالى صدمة كبيرة عشان المدرس كان اكتر حاجة ببصلها باحترام لكن رحت قولت لأمى ورحنا اشتكينا لمدير المدرسة ومفيش اى حاجة حصلت و المدرس سقطنى فى المادة وكانت النتيجة انى مشيت من المدرسة، وعلى فكرة المدرس ده كان متجوز واحدة زى القمر .. مفيش سبب ايا كان لتبرير التحرش".
وعن قضية التحرش الأخيرة قالت : "القضية دى اتعرفت عشان ظهرت على السوشيال ميديا لكن فى كل يوم حوادث بتحصل لبنات وفى منهم اللى حياتهم بتدمر بسبب ده وفى منهم اللى بينتحر وفى اللى بيخاف يتكلم"، مطالبة الفتيات بعدم السكوت على المتحرشين وضرورة تقديم بلاغات للشرطة ضد المتحرشين لاتخاذ الإجراءات القانونية اللازمة ضدهم.
وعلقت ياسمين غيث على الفيديو : "كل ست فى العالم حصل لها تحرش بطريقة أو بأخرى، وماينفعش تسكتي..قولى ماتسكتيش إتشجعى و إفضحى اللى آذاكى علشان يتأذى هو كمان، حتى لو آذاكى معنويًا فقط".
أما الفنانة الشابة مايان السيد كشفت تعرضها للتحرش على يد زميل لها فى أحد أعمالها الفنية ولم تفصح عن اسمه، كما أكدت تعرضها للتحرش منذ عدة سنوات أيضا على يد صديق لها، لافتة أن وقتها لم تكن مدركة لمعنى كلمة "تحرش"، مبدية ندمها على عدم اتخاذ أى إجراء وقتها.
وقالت خلال فيديو لها ظهرت به بحالة تأثر شديدة، عبر حسابها بموقع "انستجرام" :"انا مش هسكت تانى واى حد هيقولى كلمة وأنا ماشية فى الشارع هعمل بلاغ انا دلوقتى صوتى بقى مسموع بسبب البنات اللى اتكلمت وحكت عن تجاربها المؤلمة".
View this post on Instagram
بناشد كل الناجيات اللي كتبوا عن قصتهم مع المتحرش #أحمد_بسام_زكي انهم يقدموا بلاغات عشان يتسجن و يبقي عبرة لاي حد يفكر يتحرش او يغتصب او يتعدي علي اي امرأة بعد كدا. يمكن التواصل مع مكتب شكاوى المرأة على الخط المختصر 15115، أو عن طريق تطبيق الواتساب عبر الرقم الهاتفي "01007525600"،أو عبر البريد الاليكتروني الخاص بالمكتب وهو على النحو التالي :
[email protected].
A post shared by Mayan El Sayed مايان السيد (@mayanelsayed) on
Jul 4, 2020 at 6:02pm PDT
وتابعت باكية :"عايزة امشى في الشارع احس بامان عايزة افتح تليفوني احس بامان عايزة اشتغل مع رجالة احس بامان وأنا مش حاسة بأمان".
وعلقت علي الفيديو قائلة :" عايزة احس بأمان ..بناشد كل الناجيات اللي كتبوا عن قصتهم مع المتهم بالمتحرش #أحمد_بسام_زكي انهم يقدموا بلاغات عشان يتسجن"
فيما وثقت الفنانة هنا الزاهد لحظة تعرضها للتحرش والمضايقات من أحد السائقين بسيارة نصف نقل أثناء قيادتها سيارتها، موضحة أن السائق وأصدقاؤه استمروا لمدة 5 دقائق فى توجيه كلمات سيئة لها وهربوا فور قيامها تسجيل الواقعة بكاميرا هاتفها.
ونشرت الفنانة هنا الزاهد، عبر ستورى حسابها بموقع إنستجرام، فيديوهات خلال ملاحقتها لسيارة نصف نقل، وعلقت قائلة: "متحرشين بيخبوا وشهم وبيجروا لما صورتهم".
وأظهر الفيديو بعض الأفراد يجلسون على سيارة نصف نقل، وقالت هنا الزاهد: "رجالة أهم، أنا دلوقتى في العربية، الفيديو اللى أنتم شوفتوه الأول لرجالة بشنبات قاعدين في عربية نص نقل كانوا بيجروا ورايا بقالهم 5 دقائق وبيتحرشوا بالكلام وعاملين يكسروا عليا وكانوا بيجروا عليا، أول ما طلعت الموبايل جريوا زى الفران لأنهم فعلا زى الفئران أو كلاب بمعنى أصح، فاكرين لو بنت لوحدها في العربية هتخاف وتقعد تجرى".
وأوضحت: "لا أنا مابخافش دول ناس مش محترمة وماتسكتيش على حقك وحق يتجاب دلوقتى عادى جدا وعاوز أقول لأى بنت في عربيتها ماتخفيش طلعى موبايلك وصوريهم هيجروا زى الجبناء وماتسكتيش على حقك".
فيما كشفت الفنانة الشابة سلمى أبو ضيف، عن تعرضها أكثر من مرة للتحرش فى مرحلة الطفولة، ونشرت فيديو تتحدث فيه عن الأمر قائلة: "كنت حابة أتكلم فى موضوع الولد اللى اتحرش واغتصب 100 بنت لأن الموضوع ده يهمنى، ويهم كل البنات لأن تقريبا مفيش بنت أعرفها أو معرفهاش متعرضتش لتحرش فى حياتها من وهى صغيرة لحد دلوقتى.. لما جيت اتكلمت مع صحابى قبل كدة، منهم اللى حكالى قصص أنا مش قادرة أصدقها".
وتابعت: "وفى حاجات أنا مريت بيها.. وأنا صغيرة مثلًا دكتور قرر لأن أنا بنت صغيرة وهو محل ثقة عنده الحق إن هو يقرب منى بطريقة مش مريحة ويمسكنى بطريقة مش مريحة، أو سواق الباص بتاع المدرسة يحط إيده على رجلى بطريقة مش لطيفة وحاجات كتير.. لكن أنا قولت لمامتى مثلًا فى قصة الدكتور وعمرنا ما روحنا تانى".
View this post on Instagram
There is so much anger inside of me, feeling unsafe, feeling harassed. Please speak up speak up speak up 🙏🏻 I want to feel safe in my own skin. I want to feel safe. دور الاهالي انها تخلق حالة ثقة و امان بين ولادها انهم يحكوا و ميخافوش، لانكم مصدر الامان ليهم الاول .. إتكلمي ماتخافيش #إتكلمي_متخافيش#imnotanobject
A post shared by Salma Abu Deif (@salmaabudeif) on
Jul 4, 2020 at 3:15am PDT
أما الفنانة الشابةللا فضةقالت إن الشاب المتهم فى قضية التحرش الأخيرة حاول التواصل معها عبر "شات" فيس بوك، مدعيًا أنه يلعب "مزيكا" ويغنى "راب" وطلب منها أن يقابلها للتجهيز لعمل يجمعهما سويا.
وأضافت "للا" فى تصريح لـ"انفراد" إنها لم ترد على الشات – الذى خصتنا بسكرين شوت منه - لأنى عمرى ما سمعت له حاجة، لافتة إلى أنه قال لها إنه يريد أن يدخل عالم التمثيل .
وأوضحت للا أن الشاب المتهم بالتحرش لم يكن يدرس معها فى الجامعة لكنه تحرش بصديقة لها، وهذا يعنى أنه كان قريبًا جدًا من دائرة أصدقائى، وكانت صديقتى تحكى عن سلوكه الغريب معها، وبمجرد أن افتضح أمره تشجعت وكشفت محاولاته الدنيئة.
وكانت للا فضة، قد نشرت صورة، من خلال خاصية استوري، وعلقت عليها قائلة: "أنتوا مستوعبين المكتوب؟؟ الفكرة إن الشخص ده كلمنى قبل كدة مرة واتنين".
