صبرى فواز يروى لـ"تليفزيون انفراد" لحظات الرعب بمحيط انفجار بيروت..وعن رفض مشاهد الإثارة:"اللى مش عاجبه حاجة ميشتغلهاش"..ويؤكد: الرضا في الفن "موت".. وعن انتقال رمضان صبحي لبيراميدز مفيش حاجه اسمها ان

استضاف تليفزيون انفراد، في تغطية الموسعة الفنان صبري فواز، والذى كشف تفاصيل دوره في مسلسل أسود فاتح، مشيرا إلى أن العمل يتحدث عن الدراما الاجتماعية وتدور أحداثه عن شركة كبيرة ضخمة باسم" شركة خطاب" ويجسد نبيل نور الدين صاحب الشركة والأب، وهيفاء وهبي وشريف سلامة الأبناء، بينما هو يجسد دور محامي الشركة ولديه مشكلة في كسب قلب رانيا " هيفاء وهبي" طوال المسلسل. وأشار صبري فواز في تصريحات لتليفزيون انفراد، إلى أنه لحظة انفجار مرفأ بيروت كان فريق العمل يجري أعمال التصوير المسلسل أسود فاتح، وكانوا متواجدين في منطقة جبلية وشاهدوا الانفجار، مشيرا إلى أن الشعب اللبناني شعب طيب ويعيش ظروف صعبة جدا خاصة بعد انفجار مرفأ لبنان. وعن فيروس كورونا أشار فواز إلى أن فيروس كورونا، إلى أنه يجب أن يتم التعامل بحرص لحين الوصول لعلاج للفيروس، مشيرا إلى أن كورونا أثر على الدراما وتسبب في تأجيل تصوير العديد من الشاهد بسبب التصريحات، خاصة في ظل مخاطر التصوير، والتى كان من بينها إصابة بعض الفنانين والبعض تعافى من الفيروس والأخر توفي. وحول فيلم "موسي" أشار فواز إلى أنه عمل يحتوى على خيال علمي، وتوقع أن ينال الفيلم إعجاب الجماهير، مشيرا إلى أنه يتمنى أن يتم التركيز على أفلام الخيال العلمي خلال الفترة القادمة لتحقق النجاح ويكون الوضع ثابت في الدراما والخيال العلمي، مؤكدا أن ذلك يحتاج قاعدة علمية وبحث وجهد مضاعف. وحول تصريحات يوسف الشريف ورفضة الإثارة والتلامس، أكد أنه ليس مع وجهة النظر الشريف، مؤكدا على كافة المستويات يرفض هذا الكلام، وتابع قائلا " فنيا مينفعش، وإنسانيا واجتماعيا شايف اللى مش عاجبه حاجة ميشتغلهاش"، مشيرا إلى أنه ليس لديه مشكلة مع أي شخص في الوسط الفني ولكن يحق لأى شخص الاختلاف في الرأي. وأكد أن 2020 سنة صعبة على الجميع، وحتى الوسط الفني، مشيرا إلى أن مسلسل اسود فاتح عمل يمكن الانتهاء منه خلال 3 أشهر ولكن بسبب فيروس كورونا تم تصويرة لمدة سنة كاملة، كما أنه شارك في فيلم 30 مارس من إخراج أحمد خالد موسى وبطولة دينا الشربينى وخالد الصاوى وأحمد الفيشاوى، ويؤدى دور شخصية ستكون مفاجئة للجميع خاصة في الشكل. وأكد فوزا أن جيل الشباب من الفنانين، استفاد من السوشيال ميديا، مشيرا إلى أنه مع أي شيء يعطي مجال لإظهار المواهب. وأشار إلى أن سامية جمال هو نموذج أمثل في الوسط الفني، وفاتن حمامة وسعاد حسني، مشيرا إلى أنه يعشق الفنانة هدي سلطان والتي تتميز عن غيرها مشيرا إلى أنها نموذج للفنان الذى يصالح أيامه، وأعطت مراحل عمرها بما يتناسب مع سنها، وفى الوقت الحالي يحب الفنانة حنان مطاوع ومنة شلبي ورانيا يوسف وأسماء أبو اليزيد وغيرهم. وعن تقييمه لملامح وجهه والأدوار القريبة من ملامحه، أكد فواز أن المساحة التي يعرف أن يقوم بالتمثيل بها هي الأهم :" سواء طيب أو شرير ، خيالى أو واقعى "، مضياف :" مش حاجه معينه بس قد ايه يطلع تمثيل من الشخصية ده بالنسبالى المقياس لازم الشخصيات تكون تفاصيلها كتير وغنية علشان تعرف تمثل و تنوع". وعن أقرب دور لقلب صبرى فواز قال : " كرم يونس في أفراح القبة ومولانا الضوى في العهد ومحروس بين السرايات.. لكن الشخصية اللى تشبهنى أوى شخصيا بشير السخاوى في مسلسل المصراوية" وعن عرابى والافيه الشهير " أنا يا بنتى " ، قال شخصية "شخصية عرابى فيا منها هو ملعون وعينه زايغة .. بس أنا مبعاكسش علشان بحترم الآخرين " وعن الدور الذى ينتظره أكد فواز أنه ينتظر الكثير مؤكدا أن الرضا في الفن موت، قائلا :" رضيت روح .. لازم تبقى طول الوقت عايز لسا " وعن ما يسقط الممثل نفسيا ما يدفع البعض للانتحار، قال فواز :" إحنا بنبصله كفنان لكن منعرفش الظروف اللي عنده إنسانيا عامله ازاى .. روبن ويليامز ضحكنا كلنا والله أعلم كان عنده إيه وصله لدرجة الانتحار .. مشاعر الفنان مش ثابته عاملة زى الزئبق علشان تغيير الشخصيات، علشان كده انا ببعد عن الشخصيات بمجرد ما نخلص تصوير ". وعن برج القوس وميله للانتقام قال فواز:" أنا مدب .. مبشيلش وبرد على طول .. وبتنتهى ساعتها " وعن الكيمياء في العمل، أكد فواز أنه يحترف مهنته ويعمل مع كل الناس " من يقبله ومن لا يقبله "، مضيفا :" بس طبعا لو انت بتشتغل مع ناس بتحبها الشغل هيبقى أحلى .. لكن ده لا يمنع انه الشغل ملوش علاقه ". وعن ذهابه للمخرج لاختيار الممثلين المشاركين، قال :"مستحيل أعمل كده.. ميصحش.. مفيش حاجه اسمها كده .. عيب .. ده شغل المخرج هو اللى يختار ويقول مين موجود ومين لا ..مش شغلك كفنان." وعن خسارة الأهلى أمام الزمالك في مباراة القمة الأخيرة ، وكيف تلقاها قال :" فرقتنا بتخسر كل فين وفين وأدينا بندوق طعم الهزيمة شكله ايه ساعات وأكيد طعم الهزيمة مش حلو .. كل الزملكاوية على راسى وليا صحاب كتير زملكاوية .. وعمرى ما كنت متعصب .. ولو بننكش في بعض ده حاجه حلوة ولطيفة بس بدون عدائية ولا سخافة ولا أذى .. وبرد على أي حد بيضايقنى .. والدورى كده كده هناخده نقطه نقطه مش لازم كلهم مرة واحده " وعن رمضان صبحى قال:"إحنا في زمن الاحتراف أي حد من حقه يروح أي حته .. دى كورة وحقة.. ومفيش حاجه اسمها الانتماء .. طول ما في عقد بيتمضى مفيش حاجه اسمها انتماء " وعن الدور الذى يتمناه قال :" أنا طول ما انا قادر اشتغل هشتغل .. مش هقول كده كفايا " وعن أسباب اعتزال الفنانين قال : " كل واحد له ظروفه .. تعب زهق .. موده وحش .. الله أعلم بظروف الناس " وعن أولاده وعلاقتهم بالفن، قال إن ابنه الكبير يعزف الموسيقى لكنه يعمل فى مجال البرمجيات"، وابنته الصغيرة صبا تغنى وترقص ولديها العديد من المواهب. وعن كتابته للشعر ، قال صبرى فواز :" بكتب الشعر عامة بطريقة انه مش وظيفتى بكتبه بروح الهاوى مش مهنتى .. فاللى بيطلع بركنه .. لحد ما اجمع مجموعة تعمل ديوان بطبعه" طبعت ديوان عمل طبعتين اللى هو حنين للضى ، وفى أغانى اتاخدت واتعملت"