ناقش برنامج "راجل و2 ستات" المذاع على قناةon، تقديم الإعلامية شريهان أبو الحسن، والفنانة هيدى كرم، والفنان أحمد صلاح حسنى، مين حلال المشاكل فى المنزل الراجل أم السيدة؟.
وكشفت الإعلامية شريهان أبو الحسن، عن دراسة أجريت على عدد من السيدات فى اتخاذ قرارات هامة ومصيرية فى إحدى البورصات العالمية، وتبين أن السيدات تأخذ القرارات أكثر حكمة عن الرجال، معقبة: "السيدات أكثر حكمة فى اتخاذ القرارات.. السيدة أول ما الراجل يحتاج إلى أموال بتقلع الذهب وبيبيعه زوجها لفك أزمته.. السيدات بتلعب أكثر من دور فى وقت واحد وترهق فى مجتمعانا المصرى". مضيفة "كيد الرجالة أكثر من كيد النساء".
وعلق الفنان أحمد صلاح حسنى قائلا: "السيدات فى الوقت الحالى معتقدش أنها بتحل مشاكل كبيرة خلاف ما كان فى الماضى، والأجيال الماضية السيدة تحل المشكلة ولكن اليوم الراجل هو اللى بيحل المشاكل.. والحب والاحترام فى الوقت الحالى للزوج لزوجته والعكس قليل، والراجل طفل أى كلمة بيلين الشخص أمامه.. والراجل زى ما هو مش اتغير خالص من زمان".
وأضاف: "الست فيه منها أكتر من نوع منها اللى تكون عصبية.. وسيدة تكون باردة.. والسيدات عارفة مفاتيح زوجها وعارفة إمتى تستفزه حتى ولو بصة.. الستات حاليا لو حصل مشكلة.. والسيدة أقوى من الأول فى الوقت الحالى".
وعلقت الفنانة هيدى كرم: "نسبة كبيرة فى السيدات والرجالة قلت مشاعرها لبعضهم البعض خلاف ما كان فى الماضى.. وأى ست وراجل لما تطبطب عليه بيلين وتتحل المشكلة.. والست أميل لحل المشكلة الزوجية أضعف.. والراجل لما يتخان هيضرب الدنيا طناش وهيتلهى فى شغله وعنده أماكن يهرب فيها.. وهيسيب الست مع نفسها ومفيش مكان تتنفس فيها وتبدأ فى حل المشكلة.. الراجل كان حنين زمان على أهل بيته ولكن دلوقتى اتغير ده".
وناقشت الإعلامية شريهان أبو الحسن فى فقرة سؤال بسؤال: "الشدة اللى بتغربل كثير من الصحاب وهل نوجه أو نعاتب أو تأخذ جنب منه.. وممكن أكذب عشان أحل مشكلة وتبقى كذبة بيضاء.
وعلقت الفنانة هيدى كرم: "ممكن أكذب عشان أحل مشكلة".
وعلق الفنان أحمد صلاح حسنى: " المقياس للصحاب كان مختلف زمان ولكن عرفت معنى الصداقة كلمة كبيرة ومش أى حد يبقى صديقك.. وبصاحب أى حد فى الوسط الفنى وعندى أصحاب كثيرة خلاف الفنان أمير كرارة.. والصداقة الحقيقة فى اللى تكون أسرار بينك وبينه.. ومش ممكن أكذب عشان بتقلل من الصديق جدا".