علق الإعلامى عمرو أديب، على احتفال عضوات بنادى الجزيرة بكعكة على شكل الأعضاء التناسلية، قائلا: "معنديش حكايات مش فى الحلويات.. الحكايات بالطرشى والمخلل"، وأضاف خلال برنامجه الحكاية المذاع على قناة أم بى سى مصر،: "فاصل إعلانى ونرجع تاني الفقرة القادمة لسه عندى حكايات في الحلويات.. حلويات إيه بقي مفيش حلويات، معنديش حكايات فى الحلويات لا مش عايز حلويات عندى حكايات فى الطرشى بالمخلل".
وتابع: "اللى عملت التورتة عاوزة تبقى ترند.. ولو عاوزه الكلام ده ممكن تبقى ترند 3 أربع أيام.. جرى أيه ياجماعة مش دة الشعب المتدين بطبعة ونادى الجزيرة نادى محافظ وراقى.. والعيب ملوش علاقة بالغنى والفقر.. والمفروض ده نادى المحافظة ومنسمعش كلمة خارجة وبتوع الاخلاق والمبادئ.. دلوقتى بنتك ولا حفيدتك الصور موجودة على السوشيال ولما البنت تروح المدرسة وجدتك بتاكل الكعكة.. هو خلاص إحنا زهقنين للدرجادى وعاوزين إثارة للدرجادى.. وآخر واحد اللى مش بيحب الناس تتسجن أو تضر".
وتابع: "أرجوا المسئولين فى النادى ياخدوا قرار.. لأن ده نادى للتربية والمفروض أنتوا هوانم مصر والهوانم يمسكوا الحاجة دى فى ايديهم.. ويجى يقولك اصلا جاتلنا غلط ولما جاتلكم غلط كلتوها ليه.. وكنت طالبين أيه وأزاى المجموعة دى كلها.. وإذا بليتم فاستتروا خلاص حبكت يبقى حاجة افيه عالى.. وبتتصورى بيه ليه هو ممكن حد يتصور بكعكة جنسية.. دى مش مصر لو الناس الهاى لايف لا اللى تحت ومصر لا دى ولا دى بنشوف ده وده".
عمرو أديب ردا على منتقدى هجومه على سيدات نادى الجزيرة: الكلام ده لو كلوها فى البيت
رد الإعلامى عمرو أديب على منتقدى هجومه على سيدات نادى الجزيرة بحجة الخصوصية، قائلا: "ناس كتير بعتالى على الواتس آب واغلبهم ستات بيقولو لى فين الخصوصية.. إحنا أحرار نعمل اللى إحنا عاوزينه.. جميل أقعدوا فى البيت كلو الكعكات جميل ومحدش يعمل حاجة".
وأضاف خلال برنامجه الحكاية المذاع على قناة أم بى سى مصر،: بصراحة لما الرجالة بتقعد مع بعض مش بناكل الكعكات دى.. والرجالة بتتكلم فى كلام خارج ولكن بصوت واطى.. وانت حر ما لم تضر.. ولو جالى ابنى أو بنتى وقالى بابا أنا عاوز كيكة من دى أقولة أيه.. أحرار أقولك أه لكن فى بيتك ولكن ده مكان عام واللى بيعمل كشلة بعد فترة المدعوقة السوشيال ميديا .. ولكن زمان لو حد اتصور خمسة بيشوفوا الصورة".
وتابع: "النهاردة شافها 50 مليون هو الوضع كده حضراتكم أحرار وتعملوا كعكات جنسية فى مكان مفهوشى العمومية ومش نقف نتصور بيها واتصورتوا باريحية وانت عارف كمان النهاردة أول ما تتصور الدينا اتنقلت من واتس لواتس بقيت على كل حاجة..انتوا عاملين هاشتاج نمرة واحد.. وبقيت الدنيا كلها غريبة".
وكانت المتهمة بتصنيع تورتة الأعضاء الجنسية فى نادى الجزيرة، أنكرت فى التحقيقات صلتها بواقعة الأشكال الجنسية، وقالت المتهمة فى التحقيقات إنها تقوم بعمل مشروع منزلى لطهى الطعام وتجهيز الحفلات وأعياد الميلاد، مشيرة إلى أنها قامت بتصنيع التورتة فى منزلها، حيث انها اتصلت بها إحدى السيدات وطلبت منها تحضير وتصنيع تورتة للاحتفال بعيد ميلاد سيدة فى نادى الجزيرة.
وأضافت أن التورتة التى صنعتها لم تضع عليه آى أشكال جنسية على شكل أعضاء تناسلية، ولكن كانت تورتة عادية، مشيرة أنها فوجئت بالصور تنتشر على مواقع التواصل الاجتماعي، وأن تلك الأشكال الجنسية لم تصنعها.
وكانت نيابة قصر النيل، أخلت سبيل المتهمة فى واقعة "تورتة" حفل عيد ميلاد نادى الجزيرة بكفالة 5 آلاف جنيه، وأنكرت المتهمة صلتها بالواقعة، وطلبت النيابة تحريات المباحث حول الواقعة.
وألقت أجهزة الأمن، القبض على المتهمة بتصنيع "تورتة" احتفال سيدات بعيد ميلاد فى نادى الجزيرة بالقاهرة، بعد تصنيعها "تورتة" تخدش الحياء العام.
جاء ذلك بعدما تداولت إحدى الصفحات على موقع التواصل الاجتماعى "فيس بوك" بعض الصور الفوتوغرافية لمجموعة من السيدات "أعضاء بأحد النوادى" بالقاهرة وأمامهن قطع من الحلوى معدة بأشكال خادشة للحياء ومنافية للآداب العامة، وذلك أثناء الاحتفال بعيد ميلاد إحداهن.