انتقدت الإعلامية شريهان أبو الحسن، المقارنات بين الناس خاصة فى الصفات والأوضاع الاجتماعية، قائلة باستنكار: "يا جماعة المقارنات واصله إن الناس بتقارن والعياذ بالله ربنا يعافينا.. ده ليه سعيد وأنا مش سعيد.. ليه ده عنده أولاد وأنا مش عندي.. ليه ده ربنا رزقه بالصبيان وأنا لا!".
وتابعت شريهان أبو الحسن، فى برنامج "راجل و2 ستات" الذى تقدمه مع الفنان أحمد صلاح حسني وهيدي كرم، عبر قناة ON: "بتلاقى زخم كبير جدا الناحية التانية وانت مش عارف ايه اللى وراه.. تمثيل ولا حقيقة ولا دعاية.. فالناس فى حالة كبيرة من الإحباط بسبب السوشيال ميديا".
وعن الأشياء التى لا تسامح فيها قالت شريهان أبو الحسن: "القسوة المتعمدة.. ما أقدرش أسامح فيها.. مش بحب أسامح حد قسي عليا.. ولكن لو اعتذر ممكن أسامحه.. ولو ما اعتذرش وفاكر إنها سهله وإن أنا مفترض أعلى قيمة التسامح جوايا من غير ما هو يعتذر.. يبقى لأ".
وقال الفنان أحمد صلاح حسني، إنه يسامح أى شخص أخطأ فى حقه، مبينا بالقول: "أنا بأعترف إن فيه أوقات كتيرة جدا إني حسيت من جوايا إني عمرى ما هسامح الشخص ده.. لكن مع مرور الوقت ينسى كل شئ".
أضاف حسنى، فى برنامج "راجل و2 ستات"، أن الأخطاء التى حدثه معه من قبل الأشخاص، تصغر مع مرور الوقت حتى تنتهى تماما، وعندما يقابل هؤلاء الأشخاص يتحدث معهم بشكل طبيعى.
من جانبه قالت الفنانة هيدي كرم فى سياق الموضوع: "أنا ممكن أسامح بس ما أنساش"، فقاطعها الفنان أحمد صلاح حسني قائلا: "عمرك ما هتسامحي لو ما نسيتيش ومش هتعرفى تسامحي".
وقالت الفنانة هيدي كرم، إنه يجب ممارسة قيمة التسامح فى الحياة اليومية مع كل الناس، ويجب أن نعيش بهذه القيمة في حياتنا، متابعه: "لازم تشتغل عليها مع كل الناس القريب والبعيد.. قيمة التسامح والتعاطف قيم عظيمة لازم نشتغل ليها علشان نفسنا".
أضافت هيدي كرم، فى برنامج "راجل و2 ستات"، أنه إذا قارنت فتاة خطيبها أو زوجها مع أى شخص آخر فهي لا تحبه على الإطلاق، ويجب أن تنفصل عنه فورا.
وتابعت: "المقارنات مش محفزة ولكن فيه ناس بتتخيل إنها لما تقول كده يبقى بيحفز مراته أو العكس إنه يعمل الحاجة، ولكن انت بتقلب بعند مع الطرف التاني سواء الراجل أو الست".