تواصل "انفراد" نشر أقوال سعاد ثابت صاحبة واقعة التعرى وزوجها دنيال شحاتة عبده بقرية الكرم التابعة لمركز أبو قرقاص بمحافظة المنيا أمام النيابة العامة الكلية جنوب المنيا، تحت إشراف المستشار المحامى العام لنيابات جنوب عبد الرحيم عبدالمالك، بعد أن استمعت النيابة لأقوالها للمرة الثانية فى أحداث قرية الكرم والتى وقعت بتاريخ 20 مايو الماضى، ونتج عنها حرق 4 منازل ومحل أدوات كهربائية وإصابة 3 أشخاص على خلفية مشاجرة بين عائلتين بسبب تردد شائعات بوجود علاقات عاطفية بين أشرف دنيال شحاتة أحد أفراد القرية ونجوى فؤاد إحدى سيدات القرية.
حيث سألت النيابة سعاد عن تفصيلات ما حدث معها؟
قالت سعاد: أنا كنت قاعدة فى البيت بجلابية سوده مع جوزى وجم الناس المسلمين تعدوا علينا
النيابة: ما قولك فيما قررته عنايات احمد عبد الحميد انك كنت لابسه غباءة ومكنتيش عريانة؟
سعاد: محصلش
النيابة: هل نتج عن ذلك ثمة إصابات ؟
سعاد: لا مكنش فيه إصابات
النيابة: صفى لنا الحالة التى كنتى عليها ؟
هما جرجرونى من البيت لحد آخر الشارع حوالى أكثر من 8 متر
النيابة: من أى جهة قاموا بسحلك ؟
سعاد: من البيت لآخر الشارع
النيابة: صفى لنا كيفية سحلك ؟
سعاد: هم جرجرونى على الأرض
النيابة هل نتج بك ثمة إصابات ؟
سعاد: لا
النيابة: ما طبيعة الأرض التى تم سحلك عليها ؟
سعاد: ارض تراب وفيها حصو وخرط
النيابة: هل من الممكن سحلك تلك المسافة على تلك النوعية من الأرض دون حدوث أى إصابات ؟
سعاد: هما كانوا بيجرجرونى بهدومى مش ملط وبعد ما خلصوا الجرجرة قلعونى هدومى ملط
النيابة: كيفية تجريدك من ملابسك ؟
سعاد: هما قطعوا كل الهدوم اللى كنت لابسها
النيابة: ما قولك فيما قررته عنايات عبد الحميد أنها سلمتك لإسحاق سمير يعقوب وكنتى لابسه ملابسك
سعاد: ايوه هى نططتنى عند إسحاق سمير وانا لابسه هدومي
نططتنى علشان كان نظير وإسحاق وعبد المنعم بيخبطوا على باب عنايات وقالوا يا مره يا ... طلعى ....اللى عندك.
النيابة: كيف علمتى أنهم القائمين على الطرق على أبواب المسكن على الرغم انه كان مقفول ؟
سعاد: اللى كان بيخبط نظير إسحاق وأبوه وأخوه علشان أنا عرفتهم من صوتهم
النيابه: ما هو دور سالفى الذكر فى التعدى عليك ؟
سعاد: عبد المنعم كان مسكنى من شعرى ونظير من فكى وأبوهم كان بيضرب فيه بالأقلام لما طلعونى الشارع قام هما الثلاثة بتمزيق هدومى كلها
النيابة: ما قولك فيما قررته سالفة الذكر ان من قام بتوصيلك لبندر الفكريه هو مجاهد ؟
سعاد: أن أنا مشفتش مجاهد خالص واللى وصلنى واحد اسمه مجدى مجدى محمد عبد الرحيم
النيابة: وما تعليك لذالك ؟
سعاد: كل واحد وضميره
النيابة وما قولك فيما قررته سالفا حال سؤالك أول وهلة؟
سعاد: طلعونى بره البيت وقلعونى ملط وجرجرو فيا وأنا ملط
النيابة: فيما عدتى وقررتى خلاف ذلك أنهم جرجروكى وأنت لابسه هدومك وبعدين قلعوكى ملط ؟
سعاد: هما جرجرونى وأنا لابسه وبعدين قلعلونى ملط
النيابة: هل يوجد ثمة أشخاص شاهدون على تلك الواقعة ؟
سعاد: أنا كنت مبهدله ومعرفش حد شاف ولا لاء وجوزى مشفش حاجة لأنه كان مجروح
النيابة: هل من ثمة خلافات بينك وبين عنايات؟
سعاد: لا هى جارتى وهى اللى سترتنى
فيما وجه لها إسماعيل سيد محامى المتهمين سؤالا ما قولك فيما قررتيه سلفا فى التحقيق بانك لم تعلمى ما قام بسترك فيما عدتى وقررتى ان من قاما بسترك هو عنايات.
سعاد: أنا مقلتش كده قبل كده
وطلب الدفاع عن المتهمين سماع اقوال محمد مجدى وباقى الشهود الواردة على لسان المجنى عليهم.
دانيال زوج السيدة سعاد
ما معلوماتك بشان واقعة التعدى على زوجتك سعاد ثابت؟
دانيال: معرفش حاجة عن موضوع مراتى غير بعد الواقعة بيوم وسمعت انهم قلعوها الهدوم
النيابة: اين كانت زوجتك وقت التعدى عليها ؟
كانت معايا فى البيت وكانت لابسه جلابيه غامقة
النيابة: ما الذى حال دون مشاهدتك واقعة التعدى؟
دانيال: ان انا اتعدى على نظير واخواته وابوهم ووقعت على الارض محستش بحاجة
النيابة: كيف تمكنت من معرفة القائمين بالتعدى على زوجتك ؟
دانيال: علشان انا شفتهم وهما بيقطعوا هدومها وبيمزقوا ملابس مراتي
النيابه: هل شاهدت واقعة التعدى على زوجتك ام لم تشاهدها ؟
دانيال: لاء انا شفت
النيابه: ما الذى دعاك بالتقرير انك لم ترى ؟
دانيال: انا راجل سنى كبير وشفت الموضوع ده
النيابه: مالذى شاهدته تحديدا ؟
دانيال: انا كنت مرمى على الارض وهما دايسين على راسى برجليهم وبصيت لقيت نظير وعبد المنعم واسحاق ضربوها وشقوا الهدوم هما الثلاثه وملطوها ونظير شقلها الهدوم والاتنين التانيين ملطوها الهدوم من وراو بعد كده جريت فى الشارع واستغاثت بواحده جارتنا اسمها "عنية" فى البيت اللى جنب البيت اللى قصدانا وهو ده اللى انا شفته
النيابة: حدد لنا الملابس ؟
هى كانت لابسه جلابيه بيتى زرقاء غامقة بكم والملابس الداخلية وكانت لابسه حرام اسود على راسها.
النيابة: كيف تم تجريد زوجتك من الملابس ؟
دانيال: نظير شفلها الهدوم والاتنين التانيين ملطوها من ورا
النيابه: الم يقوموا بتمزيق الملابس الداخليه ؟
دانيال: هما شقوا الجلابيه وانا مشفتش عملوا ايه بالملابس الداخليه
النيابه: الم تقرر انهم قاموا بتجريدها من ملابسها الداخليه ولم يقوموا بتمزيقها ؟
دانيال: انا مشفتش موضوع الملابس الداخليه
النياله: اوصف لنا الحالة اللى كانت عليها مراتك ؟
دانيال: هى كانت ملط خالص وطلعت تجرى فى الشارع
النيابه: اين كانت سالفة الذكر تحديدا ؟
دانيال: هى كانت قدام البيت بتاعنا وقلعوها ملط قدام البيت بتاعنا
النيابه: ما التصرف الذى بدر منك؟
دانيال: انا بعد كده مدرتش بالدنيا خالص
النيابه: ما التصرف الذى بدر من زوجتك؟
دانيال: راحت تجرى عند جارتنا اللى اسمها الحاجة عنية
النيابه: هل اقتصر افعال المتهمين على تلك الواقعة ؟
دانيال: قلعوها بس وهى جريت على بيت الحاجة عنية وبعدها ولعوا فى البيت بتاعنا
النيابة: ما قولك فيما قررته زوجتك المدعوة سعاد بانه تم سحلها حال ارتدائها الملابس لمسافة 8 متر عد حد قولها لآخر الشارع عقب ذلك قاموا بتجريدها من ملابسها على خلاف ما قررت انت به فى التحقيقات بان واقعة التجريد حدثت اولا ؟
دانيال: هى كلامها صح
النيابه كيف تاكدت من صحة اقوالها رغم انك شاهدت تلك الواقعة ؟
دانيال: أنا لازم أطلعها هى اللى صادقة
النيابة: ما قولك فيما قررته عنايات بان زوجتك كانت لابسه ملابسها ؟
دانيال: لا هى خشت عليها مبهدله وملط
النيابة: هل لديك اقوال اخرى
دانيال: لا
http://www.youm7.com/story/2016/6/5/%D8%A7%D9%84%D9%85%D8%AD%D8%A7%D9%85%D9%8A%D9%86--%D8%B3%D8%A7%D9%85%D8%AD-%D8%B9%D8%A7%D8%B4%D9%88%D8%B1-%D9%8A%D8%AA%D8%B1%D8%A3%D8%B3-%D9%87%D9%8A%D8%A6%D8%A9-%D8%A7%D9%84%D8%AF%D9%81%D8%A7%D8%B9-%D8%B9%D9%86-%D8%B3%D9%8A%D8%AF%D8%A9-%D8%A7%D9%84%D9%83%D8%B1%D9%85/2749486
"المحامين": سامح عاشور يترأس هيئة الدفاع عن "سيدة الكرم"