بالفيديو..السيسى فى إفطار "الأسرة المصرية": سنحافظ على هويتنا.. وجهت الحكومة بمزيد من ضبط الأسعار..الإنجازات جيدة وفيه حاجات هنعلنها وحاجات لا.. والرئيس لتجار السلع: "ترفقوا واحنوا على أهلكم المصريين"

السيسى عن زيادة الحد الأدنى للمعاشات: لما بنتكلم عن حق أهلنا فى زيادات فمحدش بيجيب حاجة من جيبه لا ده من جيب مصر الرئيس: "عايز أطمنكم إحنا بخير أوى".. وتقدمنا كثيرًا فى ملف الأمن والاستقرار.. ولسه فيه كتير لسيناء وأهلها".

حضر الرئيس عبد الفتاح السيسى، الإفطار الأول لـ"الأسرة المصرية"، فى شهر رمضان الجارى، والذى عقد بأحد فنادق القاهرة، وحضره ممثلون عن كل فئات المجتمع المصرى إضافة إلى عدد من الوزراء والشخصيات العامة والصحفيين والإعلاميين ورجال الأعمال.

وقال السيسى، فى كلمة قصيرة، إننا نحتاج لأن نحافظ على هذا التقليد (إفطار الأسرة المصرية)، مضيفًا: "محتاجين دائمًا نفكر نفسنا ونأكد إننا هنحافظ على الثقافة والهوية المصرية من خلال تقاليدنا الجميلة، وهذا الإفطار تأكيد لحرصنا على هذه العادات والتقاليد ونقدر ندعمها فى مواجهة محاولات تغييرها أو إضعافها".

وأضاف الرئيس أن اليوم مر عامان من مدة رئاسته الأولى، مضيفًا: "خلال الفترة اللى فاتت حاولنا إننا نقدم ما تم إنجازه لكم من خلال افتتاح بعض المشاريع، وهذه إنجازات المصريين مش حد تانى.. اللى عمل ده كله إحنا مش حد تانى واللى تحقق كثير جدًا فى عمر السنتين وفيه حاجات لسه، وفيه حاجات مش هتتقال خالص".

وأوضح الرئيس السيسى أن ما تم إنجازه "جيد"، مضيفًا: "محتاجين عمل أكثر وإخلاص أكبر وصبر أكبر".

وأشار إلى حالة الاستقرار والأمن اللذان تحققا خلال العامين، مضيفًا: "كل يوم بنتقدم فى هذا الملف، مش بس أنشطة إرهابية ممكن تقابلنا، حالة الاستقرار والأمن بتعود شوية بشوية وتماسك الدولة بمؤسساتها تعود كل يوم أفضل من اللى فات.. حالة الانضباط والتمسك بنحاول إنها تزيد وتثبت وتستقر أكثر علشان نقدر نعمل أكثر".

وفيما يتعلق بالمعاشات، قال الرئيس إنه عقد اجتماعًا مؤخرًا ووجه بأن يكون الحد الأدنى للمعاشات التأمينية 500 جنيه، مضيفًا: "مش كفاية، لكن هل نقدر نخليه أكتر من كده، لو ممكن نقدر نخليه أكبر ومعملناش ده فيبقى إحنا قصرنا فى حق أهلنا".

وتابع السيسى: "اللى حدث خلال الخمس سنين اللى فاتوا فيه تكلفة وله تمن، مفيش تقدم بيتم للأمم بغير عمل وصبر وإخلاص وأمانة وشرف، ولازم نكون متأكدين إن ده هيجيب نتيجة كويسة، ولما بنتكلم عن حق أهلنا فى زيادات فمحدش بيجيب حاجة من جيبه، لا ده من جيب مصر".

وتابع السيسى: "لكل إنسان بيعانى فى مصر، إحنا شايفينه وحاسين بيه ونحاول نقدم أكبر، ونتمنى إنه كان يكون أكتر من كده".

وفيما يتعلق بالأسعار، طالب الرئيس السيسى باتخاذ المزيد من الإجراءات لضبط أسعار السلع الغذائية والتخفيف عن كاهل المواطنين خاصة البسطاء ومحدودى الدخل خلال شهر رمضان، وقال إنه يشعر بكل إنسان مصرى يعانى من ارتفاع الأسعار خلال الفترة الحالية، مضيفًا: "لكل إنسان بيعانى إحنا حاسين بيك وشايفينك" ووجه السيسى حديثه لتجار السلع الغذائية قائلاً: "الأسعار بتيجى فى رمضان وتغلى ليه ونغلى السلع على الناس.. الشهر ده الاستهلاك بيزيد عن كل شهور السنة حوالى 20?‏ فالمفروض الأسعار مش تزيد"، مضيفًا للتجار: "أرجو إنكم تترفقوا وتحنو على أهلكم اللى هما المصريين".

واختتم السيسى حديثه بقوله: "عايز أطمنكم إحنا بخير أوى"، وردًا على مداخلة من ممثلة سيناء، قال السيسى: "سيناء وكل حتة فى مصر، واللى بيتعمل كتير، بس مش كتير على سيناء وأهلها ولسه فيه كتير".