الرئيس السيسي ممازحا مصطفى مدبولى: "الصور بفلوس".. ويؤكد "مش هنقدر نغنى البلد دى غير بالأفكار والعمل".. نخطط لتطوير 2 مليون رأس ماشية والمزارع يقدر يرعى سلالات ماشية جديدة تجيب 25 كيلو لبن بدلا من 5

مازح الرئيس عبدالفتاح السيسي، الدكتور مصطفى مدبولي رئيس مجلس الوزراء خلال افتتاح مدينة المنصورة الجديدة: "طبعا يا دكتور مصطفى، الصور دي بفلوس.. كل واحد صورة، نجيب 10% من الإسكان الاجتماعي". أضاف الرئيس السيسي: احنا لما فكرنا نبقا موجودين بدل ما نفتتح مشروعات عن طريق الفيديو كونفرانس.. لا.. نبقا موجودين جوه الحدث ومع أهل المحافظة سواء الدقهلية أو محافظات أخرى خلال الفترة القادمة ونبقا موجودين مع أهل المحافظة..هنبدأ البرنامج ده من النهاردة إن شاء الله في الدقهلية وهنستمر فيه". قال الرئيس السيسي: أحد فعاليات اللقاء النهاردة كان مجموعة ونموذج من النماذج بتاع برنامج إبدأ، والهدف منه تقليل حجم الاستيراد من خلال إنشاء صناعات لهذه المنتجات في مصر قبل التصدير .. يبقا عندنا كفاية في السوق ولو كان فيه فرصة للتصدير هيبقا ده أمر رائع". وأكد الرئيس عبدالفتاح السيسي، إن البلاد لا تتحسن إلا بالأفكار، قائلا: "مش هنقدر نغنى البلد دي غير بالأفكار .. عمل وفكر". ووجه الرئيس السيسي خلال افتتاح مدينة المنصورة الجديدة، بعمل برنامج مدة 5 سنوات بهدف تحسين دخل مربى الماشية، مضيفا: " منستكترتش انا إحنا نعملها وأجيب الجمعيات والمصانع والحكومة ولو أى حد تاني، ونحط رقم كل سنة في برنامج حتى يبقا عندنا حلم بعد 5 سنين والدنيا هتتغير خالص، واللى يبقا عنده راسين هيجيب 400 جنيه في اليوم يعني 12 ألف جنيه في الشهر". وأضاف الرئيس: "لما عملنا مراكز تجميع الألبان هدفها تحسين دخل المواطن والحفاظ على الهدر..المربي لو بيكسب 200 جنيه.. أنا آسف أقول دول ولا حاجة .. طيب ليهم فرصة ؟ أه ..طيب البرنامج عاوز 10 سنين ووزير الزراعة يقولى السوق العالمي ميستحملكش ..معرفش إزاى أغير حياة الناس وأسعدهم واساعد في رزقهم ؟.. وبقول كده علشان نحط أيدينا في ايدين بعض مش كل حاجة بنخش في تفاصيل صغيرة". وعقب الرئيس عبد الفتاح السيسى، على حديث أحد أصحاب مصانع الألبان قائلا: "أنت تأخذ الكيلو بكام؟"، ليرد الأخير: أسعار اللبن ارتفعت، وهناك نوعين من الألبان بقرى وجاموسى، والجاموسى أصبح بـ 15 جنيها والبقرى 11 ونصف جنيه، فالكيلو زاد عن السنة اللى فات 5 جنيهات، ولو فتحنا مزارع وانتجنا لبن، ومزارع لبن موجودة في مصر وستوفر كثيرا. ورد الرئيس السيسى على صاحب المصنع قائلا: متوسط إنتاج المزارع من اللبن من رأس الماشية كام ؟، ليرد صاحب المصنع :"من 3 – 4 أو 5 كيلو"، ليرد الرئيس السيسى : إذا مكناش هنقدر نغنى الناس ، فالمزارع الذى يعطى 3 أو 4 أو 5 كيلو لبن من الماشية يمكنه أن يأكل ماشية تانية تجيب 25 كيلو لبن وأكتر . وتابع الرئيس السيسى: نقيس الخدمة التي تعملها لرأس ماشية تجيب 4 أو 5 أو 7 أو 10 كيلو عندى فرصة تعطينى 25 كيلو بن وأكثر من ذلك . وقال الرئيس السيسى، إن منظمات المجتمع المدنى اللى قولتكم إن الموضوع في رقابتكم الموضوع في رقابتنا كلنا مينفعش نسيب الناس تشتغل ويبذل جهد مع رأس ماشية يأتي بكمية يجعل المنتج غالى . وقال الرئيس عبد الفتاح السيسى، إن هناك مليونى رأس ماشية نريد تطويرها، وذلك من خلال برنامج قد يأخذ 10 سنوات، بمعدل كل سنة 100 ألف رأس. وأضاف الرئيس السيسى، خلال افتتاح المرحلة الأولى من مشروع مدينة المنصورة الجديدة: لو بنضع أدينا فى يد بعض ويكون الجهد مشترك من الدولة والمصانع ومنظمات المجتمع الدولى، وبنجمع أموالا ونساعد بها الناس ونعطى رأس ماشية سيتغير حياة المزارع، وليس أقل من 200 جنيه هيكسبها من رأس الماشية في اليوم.



الاكثر مشاهده

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

جامعة القاهرة تنظم محاضرة تذكارية للشيخ العيسى حول "مستجدات الفكر بين الشرق والغرب"

;