الاسم "محمد" والديانة "مسيحى".. عجائب سجل مدنى العباسية.. قبطى يذهب لاستخراج المعافاة كونه وحيدا فـ"يلد" له الكمبيوتر أخا يسمى محمد.. الموظف: الكمبيوتر قال كده.. والمواطن: يعنى هو يعرف أكتر من أبويا

هذا الحوار ليس مشهدا من فيلم كوميدى ، ولكنه جزء من حوار دار بين الشاب القروى البسيط عماد نوار عبدالله سمعان، ابن قرية صول بمركز أطفيح بالجيزة وأحد موظفى الأحوال المدنية بالعباسية ، بعدما ذهب عماد لاستخراج "قيد عائلى للإعفاء من الخدمة العسكرية لأنه أخ لخمس بنات. حكاية عماد من المضحكات المبكيات، وأحد عجائب كمبيوتر السجل المدنى التى لا نجد لها مثيلا فى أى دولة أخرى . عماد مواطن مصرى مسيحى من مواليد 16 أكتوبر 1983 ويعمل سائق نقل ،يصف نفسه قائلا : " أنا ماشى جنب الحيط، وعاوز ديما أمشى فى السليم علشان أبعد عن المشاكل " ويتابع:" لما وصلت لسن التجنيد، وقبل ماتطلع الشهادات بالكمبيوتر ،روحت سنة 2003 عملت قيد عائلى ، وفعلا طلع مظبوط ومفيهوش مشكلة ، وبناء عليه أخدت تأجيل من الجيش خمس سنوات من 2003 وحتى 2008 " وبلهجة ريفية، أضاف "عماد":" بعد 2008 مشيت فى الإجراءات علشان أخد المعافاة لأنى ابن وحيد ، وروحت الأحوال المدنية علشان أطلع قيد عائلى بالكمبيوتر ، واتصدمت إن القيد العائلى زود على الأسرة أخ ليا اسمه محمد وديانته مسيحى " تبدو علامات الحزن الممزوجة بالدهشة والحيرة على وجه عماد :" والله العظيم ماليش اخوات ولاد، والبلد كلها عارفة كدة ومش عارف أثبت ، طيب إزاى أبقى مسيحى ويكون ليا أخ اسمه محمد ، هو فى مسيحى اسمه محمد ياناس." وتظهر شهادة الميلاد المزعومة لشقيق عماد الوهمى والتى حصلنا على صورة منها ، باسم محمد ، والديانة مسلم ، وإسم الاب نوار عبدالله سمعان ، واسم الأم نرجس عبدالملاك عبيد. "عماد" يواصل الحديث:" من يومها وحالى واقف والدنيا قفلت فى وشى، وحياتى بقت كلها مشاكل، مش عارف أجدد رخصة السواقة، ولا أقدم على وظيفة ، وهتحاكم بتهمة التهرب من التجنيد وبلف من دار المحفوظات ، للأحوال المدنية والمحاكم ومش عارف أثبت إن ماليش اخوات ، رغم شهادة عمدة البلد ، وتحريات المباحث اللى أكدت ده ، ورغم إن مفيش عقل يصدق اللى بيحصل ، هوة الكمبيوتر هيعرف أكتر منى ومن أبويا وأمى، أنا كان ليا أخ اتولد سنة 1966 ، اسمه مجدى وتوفى وهو رضيع ومفيش غيرى." تركنا عماد وأسرته وهما يضربان كفا بكف و ينظران إلى شهادة الميلاد التى يصر الكمبيوتر أنها تخص محمد شقيق عماد وديانته مسيحى، رغم أن هذا الشخص الافتراضى "مالهوش وجود فى الوجود".