"على هوى مصر" يكشف الخطة الكاملة لنشطاء السبوبة لإسقاط مصر بـ"الصوت والصورة".. تسريبات لأحمد ماهر يخطط لـ "الشرق الأوسط الجديد".. ومصطفى النجار يعترف بتزوير وسرقة وثائق أمن الدولة ويستهزئ بالبرادعى

استعرض الكاتب الصحفى عبد الرحيم على، عضو مجلس النواب، تفاصيل جديدة عن مؤامرة الإخوان وحلفائهم خلال ثورة 25 يناير، وكيف سعى الإخوان والنشطاء لإسقاط الدولة أثناء ثورة يناير، خلال لقائه ببرنامج "على هوى مصر"، على فضائية "النهار One"، مع الكاتب الصحفى خالد صلاح. واستعرض عبد الرحيم علي عددًا من الوثائق والتسجيلات الحصرية لأطراف المؤامرة، وتفاصيل خطة إسقاط الدولة، ومعلومات جديدة عن عملية اقتحام جهاز أمن الدولة فى مارس عام 2011، وقال عضو مجلس النواب، إنه بعد مرور6 سنوات على ذكرى 25 يناير، يجب النظر لها بشكل مختلف، موضحًا أنها من أخطر السنوات التى مرت بها البلاد. وأضاف "على"، أن جهاز الأمن تلقى ضربة لم تحدث فى تاريخ مصر خلال أحداث 25 يناير، موضحا أن تعافيه ليكون عين الدولة الحقيقية ضد المؤامرات بمثابة "معجزة". وأوضح أن مطاردة الضباط والعصف بهم فى حركة شرطة لم تحدث من قبل، بنقل 500 منهم، والإطاحة برئيس مكافحة الإرهاب، أمور غريبة لم تحدث، واصفا ما حدث فى جهاز أمن الدولة بالإسكندرية بـ"الأمر البشع"، إذ تم الاعتداء على المتواجدين بالجهاز بوحشية، مشيرا إلى أن ما مر به الجهاز الأمنى شىء مذهل، وأن يلملم نفسه ويقف على قدميه فهى "معجزة من السماء". وأشار عضو مجلس النواب، إلى أن الولايات المتحدة الأمريكية دفعت بثلاثة عناصر قبيل ثورة 25 يناير تهدف إلى تمزيق البلاد ونشر الفوضى وهدم مؤسسات الدولة، موضحاً أن جماعة الإخوان الإرهابية، وشباب 6 أبريل، والسلفيين، كانوا آلة تحركها أمريكا. وأضاف أن أمريكا اتخذت من الجماعة الإرهابية "حصانها الأسود" الذى سيكسب الرهان فى أعقاب أحداث 25 يناير، وقد كان، إلا أنهم خوفًا من صعود تيار يمينى على سدة الحكم بمصر، دفعت بشباب 6 أبريل والمجموعات التابعة لهم ممن تدربوا على الخراب ونشر الفوصى خارج مصر، ومعهم محمد البرادعى كواجهة، كى يحدثوا التوازن الذى يرغبون فيه، وتابع:" شباب 6 أبريل فعلوا فى الأجهزة الأمنية ما لا يفعله مجرم عتيد الإجرام". ولفت عبد الرحيم على، إلى أن هؤلاء الشباب ومعهم محمد البرادعى، ارتكبوا فى حق أنفسهم، عقب سقوط البلاد فى الفوضى والخراب، ما لم يفعله المجرمون فى بعضهم البعض، معلقا: "تجار المخدرات والسلاح بيحترموا بعض". عبد الرحيم على يعرض تسريبا لأحمد ماهر يعترف بمخططه "الشرق الأوسط الجديد" عرض الكاتب الصحفى، والنائب البرلمانى، عبد الرحيم على، حوارا على "فيس بوك"، بين أحمد ماهر، وباسم فتحى، عضوى حركة 6 أبريل، بتاريخ 7 أغسطس 2010، يدور حول حصولهما على تمويل من المنظمة الأمريكية "فريدم هاوس" لتنفيذ مخطط الشرق الأوسط الجديد، كالتالى :- باسم فتحى: "مش هلف وأدور أنت طلبت فلوس من منح فريدم هاوس وأنا معرفش.. مكلمتنيش عن مشروع الشرق الأوسط الجديد ليه؟..متخفش أنا مش ضياء أو عزيز أو معتصم". أحمد ماهر: "حصل.. بس بعد ما أنت سافرت ..بصراحة ما أخبيش عليك كنت متغاظ جداً بعد ما عرفت إن حرنكش ووائل عباس وناس كتير بياخدوا فلوس ومش بيعملوا حاجة لمصر.. واللى بيشترى عربية وشقة وكلهم شوية تيت... وإحنا اللى بنتعب وطالع عنينا وندفع من جيبنا وعاوزين نعمل حاجة..مش هكدب عليك ولا فارق معايا الناس تعرف أو متعرفش أو تقول ومتقولش بعد كام سنة...أنا بعد ما جالى العرض اللى اتبعت لناس كتير فى مصر قولت إحنا لو قدمنا مشروع بالتأكيد هيتقبل فنحن حركة لها اسم وهنعمل حاجة ومش هنصرف الفلوس على الوساخة زيهم.. وبعد تعريف عن الحركة وبعد ما أرسلت المشروع ندمت.. وقلت إيه الفرق بينك وبين أى تيت منهم بقيت وسخ زيهم ياماهر وهتتورط يوم بعد يوم وهتبقى زى المدونين التيت اللى آخرهم كلام وأصبحوا مرتزقة، وبعد ما عرفت إنه اترفض فرحت وحمدت ربنا أنهم ما وافقوش عشان ما افقدتش احترامى.. وبدل ما أكون مناضل ألاقى نفسى مرتزقة". وأضاف أحمد ماهر: "بقولك بصراحة رغم الاستفادة اللى ممكن نحققها كحركة وبلد من التدريب على وسائل علمية لكن أنا خايف من التورط أكتر أو يكون بيتلعب بينا أو هيتلعب بينا وندمان على سمعتى اللى باظت وندمان إنى عرضتك للى أنت فيه". وواصل ماهر حديثه: "فيه حاجات كتير بتتقال على فريدم هاوس بس هم مش مؤسسة خيرية أكيد كل شىء ليه مقابل.. مش عاوزين نتورط وناس مخلصين بجد بيأكدولى إن برنامج جيل جديد.. يعنى هيساعدك فى التغيير.. قشطة شوف كلامه.. لكن مش عاوزين ناس متعصبين ضد إسرائيل وإن دا جزء من مشروع الشرق الأوسط الكبير الذى أعلنته أمريكا ويتم تطبيقه بالفعل من خلال تلك المنظمات.. مش عارف يا باسم أنا تعبان أوى ودماغى متلخبطة ومش عارف الصح من الغلط". ماهر: "بصراحة أنت عرفت أنا قدمت على المنحة من جوة ولا برة؟". باسم فتحى :" لا أنا عرفت من عندك فى مصر والنهاردة كان فيه تفاوض بين نور وشمس وضياء وعزيز ووليد ومعتصم وأمل وعواد كانوا حاضرين والإيميلات اتحطت أمامهم وعاوزين يفضحونا وقالولى إما تطلع بيان تنكر الكلام أو تلغيه أو نروح الجرائد.. وكان العرض إما الموافقة على بيانهم وأنزله باسمى أو ينزلوه فى الجرائد.. وعزيز اتفقنا إنه لن يكون منسق إعلامى". http://www.dailymotion.com/video/x58y5jv_%D8%B9%D8%A8%D8%AF-%D8%A7%D9%84%D8%B1%D8%AD%D9%8A%D9%85-%D8%B9%D9%84%D9%89-%D9%8A%D8%B9%D8%B1%D8%B6-%D8%AA%D8%B3%D8%B1%D9%8A%D8%A8-%D9%84%D9%80-%D9%85%D8%A7%D9%87%D8%B1-%D9%8A%D8%B9%D8%AA%D8%B1%D9%81-%D8%A8%D8%AA%D9%85%D9%88%D9%8A%D9%84%D9%87-%D9%84%D8%AA%D9%86%D9%81%D9%8A%D8%B0-%D9%85%D8%AE%D8%B7%D8%B7-%D8%A7%D9%84%D8%B4%D8%B1%D9%82-%D8%A7%D9%84%D8%AC%D8%AF%D9%8A%D8%AF_tv "على هوى مصر" يذيع مكالمة لأحمد ماهر ومحمد عادل يعترفان بتلقيهما تمويلات وأذاع الدكتور عبد الرحيم على، عضو مجلس النواب، مكالمة بين الناشطين أحمد ماهر ومحمد عادل، يعترفان خلالها بتلقيهما تمويلات من قطر، وقيام ائتلاف "شباب الثورة" بإزاحة مجموعات أخرى، ومحاولاتهم لإقناع الأوروبيين أن الائتلاف تم إنشاؤه فى صربيا، وأنه سيحكم البلاد، وتظهر خلال المكالمة محاولة كل طرف من النشطاء لإقصاء أطراف أخرى، واستقطاب البرادعى ليقود من خلاله. واعترف ماهر وعادل، خلال المكالمة بتلقى تمويلات من الاتحاد الأوروبى والدنمارك وصربيا ومنظمة IRI، لدعم حالة الاحتقان فى البلاد. وأوضح عبد الرحيم على، أن الناشط مصطفى النجار عندما دخل أمن الدولة وظّف إعلامية تقول عنه إنه لم يقتحم مقر الجهاز، لافتاً إلى أن هذه الإعلامية تحاول الدفاع عنه رغم معرفتها أنه اقتحم مبنى أمن الدولة. وتابع عضو مجلس النواب "الناس الغلابة وقفت فى الميدان 18 يوم.. روحوا البيت من هنا والغنائم بدأت تتوزع من هنا"، مؤكداً أن هناك أجهزة رصدت جميع المكالمات ومعرفة من يتلقى تمويلات، حيث تلقى أحمد ماهر 2 مليون دولار فى شهرين"، موضحاً أن الاتحاد الأوروبى والدنمارك وصربيا ومنضمة iri، وقطر" يدفعون تمويلات، خاصة لـ6 أبريل. عبد الرحيم على يعرض تسريبات تؤكد تلقى أحمد ماهر... من طرف youm7 "على هوى مصر" يعرض مكالمة تؤكد حصول أحمد ماهر على 60 ألف ريال قطرى عرض الدكتور عبد الرحيم على، عضو مجلس النواب، تسجيلا صوتيا مسربا دار بين الناشطة أسماء محفوظ وشخص يدعى "سوكا"، أكد خلاله الأخير أن الناشط أحمد ماهر حصل على 60 ألف ريال قطرى من الشيخة موزة زوجة حاكم قطر السابق حمد بن جاسم آل ثانى عقب أحداث 25 يناير. وأكد "سوكا" أنه كان يعلم أن "ماهر" يتلقى تمويلاً خارجياً نظير ما يقوم به فى الداخل المصرى من أعمال فوضى وتخريب، وتابع: "أنا شفت المستند بعينى بس مش معايا حاليًا.. عارفين الموضوع ده من زمان بس إحنا مكناش عارفين المبلغ كام.. والمبلغ 60 ألف ريال قطرى الشيخة موزة هى اللى أدتهم ليه"، فيما ردت عليه أسماء محفوظ: "بالفعل ماهر مش عارف ينام وبيحاول يأكد لى أنه مش كدة". ونشر عبد الرحيم على، تسريبا آخر متعلق بأحمد ماهر وشخص آخر يطلب خلاله "ماهر" معرفة محتوى الأوراق التى تمت سرقتها من مقار أمن الدولة وبه معلومات متعلقة به، فرد عليه الطرف الآخر قائلاً: "أمن الدولة كان قرفان منا قرف والورق اللى معايا كان بتاع الاجتماعات بتاعة زمان أيام معتصم ومحمد عبد العزيز والشلة دى.. وأنا أديت الورق ده لسوكا وابدأوا اجمعوا الورق كله والحاجة دى وافرزوها". واستكمل الطرف الآخر الذى كان يتحدث لأحمد ماهر: "فى حاجات معرفش يخرجها سوكا فصورها على الموبايل والولد اللى خدها أمين جدًا وقال لسوكا أنا مش هديهم غير للى يخصوهم.. فسوكا هياخدهم منه من على الإنترنت ويبعتهم لينا". واختتمت المكالمة بقول أحمد ماهر للطرف الآخر عن نقل الملفات عبر الإنترنت إنه سيجعلها فى يد كثيرين وتنتشر بشكل كبير، فرد الشخص الأخر قائلاً: "مصر كلها عارفة بس هتعمل إيه أدى الله وأدى حكمته". بالفيديو.. "على هوى مصر" يعرض مكالمة تؤكد حصول... من طرف youm7 "على هوى مصر" يذيع اعتراف مصطفى النجار بتزوير وثائق أمن الدولة أذاع برنامج على هوى مصر، مكالمة بين الناشط السياسى مصطفى النجار، وشخص يدعى "محمود الحتة"، يكشف تخطيطهما لتزوير مستند ضد أحد أصدقائهما والادعاء أنه يعمل فى جهاز أمن الدولة. وعلّق الدكتور عبد الرحيم على، على المكالمة بقوله، "واقعة لو عملها الشيطان نفسه نلومه عليها"، مشيراً إلى أن مصطفى النجار "دراع البرادعى اليمين"، ومن أشهر الموجودين على الفضائيات وقتها، وعند اقتحام جهاز أمن الدولة، وجد أوراقا وشاهد أسلوب كتابة التقارير الأمنية وخطط لتزوير مستندات. وأشار عضو مجلس النواب، إلى أن "محمود ومنعم والنجار ومروة" أرادوا السيطرة على قلب وعقل محمد البرادعى، مردفًا: "الجهاز اللى قلت عليه ملفقاتى، ملفقش ورقة لصاحبك تقوم تلفق أنت". بالفيديو..على هوى مصر يذيع اعتراف مصطفى النجار... من طرف youm7 "على هوى مصر" يعرض تسجيلا صوتيا لمصطفى النجار يستهزئ بالبرادعى عرض الكاتب الصحفى، والنائب البرلمانى، عبد الرحيم على، مكالمة تليفونية دارت بين كل من الناشط السياسى مصطفى النجار، والدكتور أحمد شكرى، يستهزءان خلالها من الدكتور محمد البرادعى، ويعرضان خطتهما للمجىء به رئيسا للبلاد. شكرى: آلو النجار: دكتور أحمد شكرى شكرى: حبى.. طمنى النجار: فاتتك قعدة تاريخية شكرى: ياااه بقى متقعدش تعذبنى.. قولى إيه اللى حصل النجار: مفيش جديد عادى شكرى: إيه يا عم أنا كلمت عبدالمنعم قالى إيجابية جدًا وبتاع النجار: الواد عبدالمنعم ده سطحى آخر حاجة.. وفعلاً أنا بفكر أمشّيه من الحزب عشان منفوخ منه شكرى: بقوله إيه الأخبار؟ قالى أنا فى المواصلات.. ومش هقدر أتكلم.. قولتله يعنى إيه إيجابية.. قالى آه إيجابية جدًا جدًا النجار: لا.. بص هو أهم حاجة وصلنالها أقنعته إن إحنا لازم نلعب سياسة ونبقى براجماتيين شكرى: صح كدة النجار: تمام.. طيب.. فقولتله إحنا دلوقتى عمرو موسى رايح جاى.. نقعد معاه ونسمع منه مفيش مشكلة.. بس كدة كدة إحنا مش "انفولدد" معاه.. ولكن شكرى: الكلام على مين النجار: عمرو موسى عايز يتغدى معاه.. قولتله اتغدى معاه متتغداش معاه ليه! شكرى: آه بالضبط النجار: آه قولتله مرشد الإخوان نقعد معاه نشوف أولهم وآخرهم إيه.. ومعانا ولا مع عمرو موسى شكرى: آه النجار: الحاجة التانية إحنا دلوقتى مين اللى موجود نستوعبه.. هشام البسطويسى عايز يبقى ريس تعالى.. هشام بسطويسى أنت هتبقى نائب الريس شكرى: آه النجار: أحمد زويل تعالى أحمد زويل إنت كدة كدة الدستور بيقول إنك متنفعش ريس ولا نائب ريس فتعالى رئيس وزراء شكرى: آه النجار: واخد بالك.. فاقتنع "البوب" الصالح قالى ابدأ اتصالاتك شكرى: تمام.. فاااا هنبدأ اتصالاتنا شكرى: ها النجار: عايزين مدير وبتاع وكلام كدة.. فقولتله والله مفيش شكرى: إيه.. هتبدأ اتصالات إيه؟ النجار: أكلم بقى هشام وأكلم الناس ديه يعنى.. وأبو الغار هيكلم زويل شكرى: آه النجار: وهنشوف بقا شكرى: حلو النجار: فاهمنى أنت الديل دوت شكرى: تمام النجار: يعنى عشان لما نعمل المؤتمر الصحفى للترشح للرئاسة نلاقى زويل واقف جنبه نلاقى فاروق الباز نلاقى هشام البسطويسى وإحنا يبقى كدة خلصت شكرى: تمام تمام النجار: بس.. والله العظيم يا ميدو يعنى هنجبهولك رئيس يا ميدو.. هنجبهولك رئيس بس يعنى ربنا يسامحنا يا ميدو شكرى: جبت سيرة الحزب ولا مجبتش النجار: لا لا مجبناش سيرة الحزب خالص.. بس بسرعة قولتله إحنا كدة كدة شغالين فى موضوع الحزب، ولازم كدة وده مش حزب البرادعى وأكدت عليه كدة.. بس فى البلاااالة يا عم على يا عم.. يخرب.. أبوس إيدك والنبى خلى على يسافر شكرى: ليه بس قاله إيه.. قال إيه؟ النجار: مفيش يا عم لسة بيفكر بنفس الشكل الغلبان قوى.. مسكين يا أحمد مسكين شكرى: اللى هو إيه بس طمنى.. قولى النجار: اللى هو كدة.. الشكل اللى هو إيه طريقة التفكير نفسها شكرى: زى إيه يعنى النجار: بشكل عام يا أحمد شكرى: اللى هى طب شوفوا كدة.. صح؟ النجار: آه آه اللى هو مفيش كدة طب نعمل إيه.. قولتله لا.. هجيب مروة.. مروة مفرغها شكرى: آه النجار: مروة مفرغها تيجى تخدلها 2000 دولار فى الشهر.. تقعد تعملنا كدة.. بيقولى واحدة اسمها جليلة عايزة تساعدنا وبتاع.. قولتله بص ولا جليلة بلا جليلاشى.. مروة.. قولتله مروة راحت معايا مركز المعلومات واتخاذ القرار.. البنت قعدت هناك ثبتت كل الناس.. العلم اللى عندها والكلام اللى عندها يعنى محدش فى مصر عنده للأسف يعنى.. والله العظيم يا أحمد.. قعدت معاهم يخرب بيت كدة.. الناس دى وقعوا يعنى بس.. فقولتله بس على الله أصلاً مروة ترضى أصلاً شكري: دلوقتى أنت رايح العاشرة مساءً.. ولا رايح فين النجار: اااا لا أجلنا العاشرة مساءً لبكرة.. قلنا نستنا ونشوف تطور الأحداث إيه.. ضربوا الناس عند لاظلوغى جامد على فكرة شكرى: ااه بس فى كلام إن اللى هناك ناس بلطجية.. مش بلطجية ناس من المنطقة يعنى ناس كدة على تويتر النجار: مش عارف لسه هنتأكد شكرى: أنت رايح فين رايح فين النجار: أنا فى أكتوبر دلوقتى روحت البيت.. عشان أقعد أكتب كام مقال كدة وقاعد أكتب الرموز الحزبية اللى هنخدها معانا شكرى: لا لا عايزين نتكلم فى موضوع الحزب ده ضرورى.. فيه حاجات كتير إحنا أنجزناها إمبارح وفى حاجات عايزين نعرف الخطوات يعنى النجار: طيب ما تخلص شغلك وبتاع وتكلمنى متأخر شوية.. ساعة كدة ولا حاجة أدخل البيت أقلع هدومى وكدة يعنى شكرى: ماشى ظبط نفسك كدة وادينى رنة وأطلبك أنا.. فى حاجات دلوقتى.. وحاجات إحنا وصلنالها إمبارح.. ونحط شوية نقط على الحروف وكدة وخلاص.. ماشى النجار: طيب ماشى ماشى شكرى: بس خلص فضى نفسك كدة وادينى رنة النجار: طيب شكرى: حاول تستعجل سلام. "على هوى مصر" يعرض تسجيل صوتى لمصطفى النجار... من طرف youm7 "على هوى مصر" يذيع مكالمة بين النجار ونجل القرضاوى حول سرقة ملفات أمن الدولة أذاع الدكتور عبد الرحيم على، عضو مجلس النواب، مكالمة بين مصطفى النجار وعبد الرحمن يوسف القرضاوى، يوضح خلاله النجار لنجل القرضاوى أن كل المكالمات بينهما مسجلة، و"العلاقات النسائية"، وقال له :"جايبين تاريخك من يوم ماتولدت يا كبير"، مشيراً إلى أن الشرطة العسكرية أخذت منه الملف، مردفاً: "اللى الشرطة العسكرية خدته كله هيتحرق، ومتسلمش للنيابة". وكشفت المكالمة التى أذاعها خلال لقائه ببرنامج "على هوى مصر"، على فضائية "النهار One"، مع الكاتب الصحفى خالد صلاح، أن النجار يوضح أن المستندات كشفت أنه وعبد الجليل مصطفى يسّبان البرادعى، معلقاً: "ويكليكس يا كبير.. وكاتبين أنه ليس له اتجاه إسلامى ومنحرف الخُلق"، ورد عبد الرحمن القرضاوى:"أنا بكرة لازم أطلع أعمل حلقة مع منى الشاذلى"، واستطرد النجار:"ومعايا ملف منى". وخلال المكالمة سأل عبد الرحمن القرضاوى :"خدت حاجة معاك"، ورد النجار:"خدت ملفات وورق ناس.. وخدنا 4 هاردات كمبيوتر". "على هوى مصر" يذيع مكالمة بين "النجار" ونجل... من طرف youm7 عبد الرحيم على يعرض تسريبات جديدة تكشف الوجه القبيح لمصطفى النجار ووائل غنيم كشف الدكتور عبد الرحيم على، عن تسريب صوتى دار بين الناشط السياسى مصطفى النجار وشخصية تدعى "مروة"، يكشف عن تمويل 6 أبريل والمجموعات التابعة لها بهدف نشر الفوضى والتخريب فى البلاد عقب ثورة 25 يناير، إلى جانب التنسيق مع بعض الكتاب والسياسيين والرموز وإنشاء تحالفات معهم للسيطرة على حكم مصر. وقال "النجار" خلال التسريب، :" لازم نعمل تحالف مع أحمد زويل والمستشار هشام البسطويسى .. زويل رئيس وزراء و البسطويسى نائب رئيس جمهورية .. أبو الغار وعلاء الأسوانى كانوا معانا وهيكلموا زويل وأنا هكلم البسطويسى..لو عملنا كدا يبقا خلصنا المعركة بدرى بدرى". وأكد "النجار" أنه أقنع "البوب الصالح"، بانضمام "مروة" وهى التى تحدثه على الطرف الآخر معهم نظير 2000 دولار شهريًا، الأمر الذى جعل "مروة" تفرح فرحاً شديداً ، وتابعت:" بجد يا مصطفى .. ليك ربع المرتب". وشدد النائب البرلمانى، على أن مصطفى النجار تعامل مع الجهات الأجنبية رغم تقديم المخابرات العامة والحربية كل المعلومات له حول ما يدور فى مصر، وأن مصر تتعرض لمؤامرة كبرى ويوجد 40 جهاز مخابرات يعملون داخل مصر الآن بهدف تقسيمها. وعرض عبد الرحيم على، تسريبا صوتيا آخر دار بين مصطفى النجار ووائل غنيم، يؤكد علم "النجار"، بكل ما تتعرض له مصر فى أعقاب ثورة 25 يناير. وشدد النائب عبد الرحيم على، على أن مصطفى النجار اقتحم جهاز مباحث أمن الدولة بعدما علم بكل المعلومات التى تؤكد تعرض مصر لمؤامرة كبرى، وتابع:"دى شباب ثورة كانوا عاوزين يبنوا البلد ويعمروها؟!!".