هاجم مرتصى منصور رئيس نادى الزمالك، أحمد حسام ميدو المدير الفتى السابق لنادى الزمالك، وحازم إمام مدير الكرة تالسابق للنادى، اليوم السبت، وذلك ضمن توابع الهزيمة التى منى بها النادى من الشياطين الحمر، النادى الأهلى "صفر-2"، ضمن مباريات الجولة السابعة عشر من مسابقة الدورى العام.
وشن رئيس نادى الزمالك، هجومًا حادًا على ميدو وإمام، حيث صرح عضو البرلمان، بأنه لم يتضايق مما اعتبره "إساءة أدب" صدرت من مدرب الزمالك السابق أحمد حسام ميدو.
وأضاف منصور فى تصريحات مصورة:"ميدو زعلان منى علشان أنا قلت له على الهواء وأحب أقوله علشان فضيحتنا كمان كانت على الهواء، ومش مشكلة إننا نتهزم المشكلة التهريج اللى حصل، وأنا بلغت اسماعيل يوسف يبلغ ميدو وحازم إنى أقلتهم"، على حد منطوق مرتضى منصور.
وفتح مرتضى النار على مدرب الفريق السابق أحمد حسام ميدو قائلا "إنت سكران وهحلل لك وأنا هجيب أصغر عيل فى ميت غمر يضربك بالخزرانة، وإياك ياولد تتكلم على سيدك مرتضى منصور كده ياعميل قطر"، حسب وصف ونص حديث مرتضى منصور.
وتابع مرتضى منصور هجومه: "ميدو اتهم الزمالك أنه حصل على الدورى بالدجل، ده محصلش واتحداك لو إن ده صح هستقيل من النادى ولو طلع كذب هضربك بالـ...، وأمتلك إنى أخليك متنزلش من بيتك لمدة سنة، وأحمد مرتضى اللى مش عاجبك ده أنضف منك لأنه مبيسكرش زيك وجزمته بد...، وأنا هخليك تنسى اسمك وهتشوف، انا مرتضى بيه". مؤكدا "ابنى أحمد اللى أصغر منك نايب عن دايرة كاملة فى البرلمان ومحترم أكتر من مليون زيك" على حد قوله.
واستكمل منصور مهاجما "ميدو": "كل كلمة غلط فيها هتدفع تمنها غالى، وبطولة أفريقيا بتاعت التنس كانت بالدجل يا، وكل ده دجل، وإنت أسأت لنادى عريق أشرف من أمثالك"، على حد زعمه.
وأضاف مرتضى منصور: أصغر مشجع بالنادى أنضف منك، إنت خربت النادى ودمرته، وعلشان اطردت تعمل كده، وكمان رايح تغلط فيا دلوقتى ده أنا سيدك، ودى غلطتى علشان أنا اللى دخلتك النادى تانى وكنت ناسى اللى عملوه معاك فى أوروبا، حسبما صرح منصور.
وعن حازم أمام قال مرتضى منصور، "اللى بيقول أنه عمل عزا أبوه فى النادى لأنه كان أحد أعضاء مجلس إدارة النادى، عيب يابنى أنا كنت عاوزك تبقى مدرب كويس وتتعلم، وكنت هسيب النادى وهستقيل بعد الفضيحة بتاعتكو دى، بس رفضت أسيب النادى علشان ميغرقش ويضيع زى ما ضيعتو إنت والفاشل التانى، وأنا مكلف عزا أبوك 300 ألف جنيه، وعاوز أتفرج عليك هتدرب مين بعدى"، على حد قوله.
وأنهى رسالته لميدو قائلا: "تحب تضرب فين..؟ فى بيتك ولا بيت أبوك ولا بيت مين بالظبط، بس أنا راجل برلمانى محترم مش هضربك، بس انتظرنى فى أحلامك وفى كوابيسك وفى كل حياتك وهسيبك تموت من الرعب حتى فى أحلامك، علشان أنت بقيت تختوخ زى إبراهيم نصر بتاع الفوازير"، على حد وصفه.