نماذج ناجحة تشارك فى جلسة "ريادة الأعمال" أمام الرئيس بمنتدى شباب العالم.. عادل صدقى وشقيقته ليلى أصحاب "نولا كاب كيك" يستعرضان مشروعهما لـ"خالد صلاح": بدأنا فى مصر منذ 7 سنوات.. وحلمنا الوصول للعالمي

قالت ليلى صدقى، شريك ومؤسس شركة "نولا كاب كيك"، إن فكرة المشروع بدأت منذ 7 سنوات، وافتتحت أول مكان لـ"الكاب كيك" فى مصر فى أكتوبر 2010، قبل أن يكبر المشروع فى السنوات الماضية. وأضافت ليلى فوزى، خلال حوارها من شرم الشيخ مع الكاتب الصحفى خالد صلاح، رئيس مجلس إدارة وتحرير "انفراد" ببرنامج "آخر النهار" على فضائية "النهار"، أن مشروع "نولا كاب كيك" كان "حلم العمر" لها منذ أن كانت فى كندا أثناء الدراسة، وتابعت: "كان نفسى محلى يكون عليه طوابير زى ما بشوف فى الخارج، وحلمى أتكلم عن مشروع فى جلسة ريادة الأعمال فى المنتدى بكرة، وفى نفس الوقت إحنا دلوقتى عندنا 19 فرع وكبرنا وبقى عندنا مصنع، ودلوقتى حلمنا إننا نوصل للعالمية". وأشارت ليلى إلى أنه مشروع "نولا كاب كيك" بدء بمحل مساحته 20 مترًا ومطبخ 20 مترًا، و8 موظفين، وكان لكل موظف دورًا فى الشركة قبل بناء فريق عمل يتجاوز الـ250 شخصًا حاليا. وأوضحت: "بقوة فريق عملنا هنوصل للعالمية إن شاء الله"، موضحة أن أول محل بدأ فى مشروع "نولا" كان يصنع 12 نوعًا من الحلويات، وكان اثنان يقفان فى المطبخ، متابعة: "إحنا دلوقتى عندنا التواصل مع خلال التكنولوجيا ولازم نستغل الفرص والأفكار دى". وتابعت: "مصر بتدينا كتير وإحنا علينا واجب للمجتمع ولمصر وفخورين إننا مصريين، وربنا يقدرنا نوصل نولا فى أكبر صورة، وإحنا اشترينا مصنع تانى علشان نصدر النولا للخارج بعد ما حصلنا على رخصة التصدير، وجبنا خبراء يساعدونا إننا نوصل للعالمية، ونكتسح وإحنا وسعنا الفريق كويس جدا وخدنا خبرة كبيرة جدا وهدفنا إننا نبقى أحسن شركة فى العالم". وقالت إن الحكومة سهلت لهم الإجراءات الخاصة بإنشاء المصنع الجديد، وستدعمهم فى التمويل اللازم لتجهيزه، وقالت: "الحكومة بتساعدنا إننا نطور ونكبر ونبقى من الشباب الناجحين". من جانبه، قال عادل صدقى شريك ورئيس مجلس إدارة شركة "نولا كاب كيك"، إن المشروع مخطط له بشكل جيد قبل أن الشروع فى التنفيذ، وعلق: "ناس كتير بتخطط لكن مش بتنفذ، لأن الناس بتخاف تخاطر فى تنفيذ المشروعات، وبقول للناس لازم تبدأوا تحققوا الحاجة اللى بتحلموا بيها، بس لازم الدراسة قبل التنفيذ"، مشيرا إلى أنه وشقيقته ليلى، خططا للمشروع جيدا ووضعا أساسياته وراجعا جميع الخطط، واستطاعا بالفعل تحقيق حلمهما بعد تنفيذه. وكشف "صدقى" خلال حواره بالبرنامج، أنه بدأ مشروع "نولا كاب كيك" بـ600 ألف جنيه شاملة المعدات وكافة التجهيزات، وأنه بعد الحصول على رخصة تصدير منتجاتهم للخارج، فإن البداية هى الكويت بعد توقيع العقد معهم، لتصدير 40% من منتجات "نولا"، على أن تصنع كمية الـ60% بالكويت. وعن جلسة ريادة الأعمال المشاركين فيها غدا أمام الرئيس عبد الفتاح السيسى، قال عادل صدقى: "هتكلم فى إن الناس لازم يستمروا فى المشاريع اللى هما بيفكروا فيها، ولازم نشجع الشباب ويخلقوا شغل لنفسهم ولازم يتعبوا علشان يوصلوا".