السيسي: "فيه ناس بتاكل كتاف مصر.. وده يقف له الشعب مش أنا ولا الجيش"

طالب الرئيس عبد الفتاح السيسي، سيدات مصر بالمشاركة فى الانتخابات الرئاسية والنزول للجان التصويت، متابعا:"محتاج كل سيدة وأم وأخت، من فضلك، محتاج الدنيا كلها تشوفنا فى الشارع، قولوا ما شئتم، المهم المصريين ينزلوا". وأضاف السيسي، فى كلمته باحتفالية المرأة المصرية والأم المثالية المنعقدة الآن فى فندق الماسة، قائلا: "من فضلكم دى نقطة مهمة قوى، فيه ناس كتيرة بتاكل كتاف مصر، ده ما يقفش قدامه إلا شعب مصر، مش أنا ولا الجيش ولا الشرطة، لازم الناس كلها تنزل الانتخابات، حتى لو قالوا لأ، لو نزل شعب مصر وقالوا لأ ده أمر عظيم ومحترم ويُنفذ فورًا، اسمعوا منى بس". وتابع الرئيس السيسي كلمته بالقول: "عايز أقول حاجة، إحنا عايزين ندّى المثل ونأكّد للعالم كله إن البلد دى بيحكمها شعبها مش حد تانى، ويبقى يحكمها الشعب إزاى، بإنه ينزل يقول إحنا حاضرين وموجودين، ولو مش عايزين مش هيقعد فى مكانه ثانية، أنا محتاجكم، شجعوا أبنائكم وأزواجكم للنزول للانتخابات". وردا على سيدة هتفت داعية الله أن يمنحه العمر الطويل، وأن يأخذ من عمرها ليعطيه، قال الرئيس عبد الفتاح السيسي: "لما نطلب من ربنا، ربنا غنى، مش لازم ياخد من عمر حد تانى، ربنا يديكى العمر والصحة".