أكد الإعلامى أحمد شوبير، أنه سيظل يكن كل التقدير والاحترام لنجم منتخب مصر والأهلى السابق مجدى عبد الغنى، رغم هجوم الأخير عليه فى التصريحات التى أدلى بها فى إحدى القنوات الفضائية، رداً على اللقطة التى بثها "شوبير" فى برنامجه السبت، للبلدوزر وهو يصفق لمجلس إدارة الأهلى، أثناء انعقاد الجمعية العمومية.
ورفض شوبير، خلال برنامجه، الهجوم الذى شنه عبد الغنى على شخصه، قائلاً:"أنا مجرحتش فيك خالص يا كابتن مجدى، أنا جبت صورتك بس، لكن لا تطرقت إليك أو إلى أحد من أسرتك الفاضلة..وأنا من أسرة فقيرة، جيت الأهلى وأنا معنديش حتى عجلة، لكن أتحدى أى بنى أدم يقدر يتكلم عن شرفى أو سمعتى أو سلوكى، أو يشكك فى ذمتى، وكل اللي حاولوا يشوهوا صورتى ربنا نصرنى عليهم، وانت عارف راحوا فين.. وأرجوك عندما تتحدث عن الناس تعطيهم مقاماتهم.. وجابولى الأسبوع اللى فات خبر بالصور لما أوقفت مباراة بالدرجة الثالثة الأسبوع الماضى من أجل أن تقوم بالسلام على أصدقاءك، ورفضت إذاعته، وهو دليل على حسن نيتى".
وأضاف شوبير: "فى مساحة من العشرة تسمح لحد دلوقتى إنى أتكلم الكلمتين الهاديين دول، لكن بعد كده يا كابتن مجدى كلامك بالنسبالى مش هيكون موجود، وهعاملك زى الولد الصغير، لكن عايز أقولك يا كابتن مجدى فى ناس شاربة شاي بالياسمين فعلاً، وأنا عندى الشجاعة أنى أقول كده، وياريت تحافظ على المتبقى من العشرة بيننا، خلينا لما نتقابل حتى نسلم على بعض".