هاشتاج "بلدى خط أحمر" متحديا دعاة فوضى 11-11: انتهى الدرس يا خونة

دشن رواد موقع التدوينات الصغيرة "تويتر" هاشتاج "بلدى خط أحمر"، ردا على الدعوات المشبوهة التى تحرض على الفوضى والعنف فى 11 - 11 الجارى. تصدر الهاشتاج قائمة الأكثر تداولا "ترند تويتر" منذ تدشينه، تباينت من خلاله آراء المغردين، حيث قالت زهداء: "إحنا هنستحمل كل شيء فى الدنيا وهنشد الحزام على وسطنا، ولا إننا نسيب بلدنا تضيع مننا أو عصابة البنا تسرقها مننا تانى". وقال الكويتى بو جاسم الشمرى: " بعد اللى شفناه من تدمير لدول عربية وتهجير ناسها، لازم كل عربى أصيل يوقف ضد أى محاولة لاستكمال مشروعهم الصهيونى"، وقال أحمد عمار: "نعيش لحظه فارقه يا مصريين، نكون أو لا نكون، نقف فى ظهر قيادتنا قلبا وقالبا فى كل ما تتخذه من قرارات، حنتحمل عشان بلدنا"، فيما قالت حنان: "ومين يقدرعلينا كل شعب مصر جيشنا أمرنا يا ريس، مش هنقول غير تمام يا فندم، بنحبك يا سيسى وواثقين فيك ومبنسمعش حد غيرك، تحيا مصر". وأضافت زيزى صلاح: "مش هيحصل تانى أبدا، مش هنسمح تخلوها فوضى، بلدى خط أحمر واللى عايز يجرب يقرب، الشعب استوعب ألاعيبكم، انتهى الدرس يا خونة الأوطان"، فيما قال آخر: "رسالة 90 مليون مقاتل مصرى، هتعدى حدودك هنهى وجودك من على وش الأرض، فداكى روحى وكل ما أملك يا بلادى". وقال محمد لطفى: " ثقوا بريسنا وجيشنا، العالم كله بيتحرك حسب مزاج الريس، إحنا أقوياء وواثقين بك يا سيسي تكمل بينا المدن الجديدة، سيبك من نباح الكلاب".