وجه مثل الملائكة و ضحكة مشرقه وعيون تملئها حيوية مقبله على الحياة، محمود بيومى شاب فى مقتبل العمر تخرج حديثا من الجامعة البريطانية دفعه 2015، لديه الكثير من الأحلام و الطموحات يريد تحقيقها ومواجه الصعوبات بجانب خطيبته سالى محمد حجازى، وتكليل قصه حبهما بالزواج الصيف المقبل، و لكن سرعان ما تحول الحلم إلى كابوس و نهاية مأسويه اهتزت لها الابدان، فلم يكن يعلم محمود أن مشاهدة مباراة نهائى كأس الأمم الافريقية بين مصر و الكاميرون سوف تكلفه حياته.
فى البداية اختار محمود بيومى كافيه فى النزهة لمشاهدة المباراة النهائية لكأس الأمم الأفريقية برفقه خطيبته و عدد من أصدقائه وبعد الماتش وعلى حسب روايات الشهود قالوا" قفلوا الباب ومنعوا الخروج الا لما كل الناس تحاسب ،قام محمود خطيبته قال انا عايز احاسب و امشي و شد مع شوية البلطجية، جيه مدير المكان قال حساب الترابيزة دي معايا و هو بيحاسبه حصل مشادة بينه و بين مدير المكان بسبب قول بتعملوه ده بلطجة ، قاله مش انت بتعلي صوتك هتشوف البلطجة بجد ،و أول ما خرجوا من الكافيه ضربوه بكرسي على ظهره وطعنوه طعنتين بسكينه واحدة فى الرئة وواحدة في بطنه".
وما بين الذهول و عدم تصديق ما حدث لشاب انتهت حياته لمجرد مشاهده مباراة فى كافيه، كتب أصدقاء محمود عنه و عن حبه لعمل الخير، مدشنين العشرات من الهاشتاجات و الحملات للمطالبة بحق صديقهم، مطالبين القصاص العادل من صاحب المقهى والعامل الذى اعتدوا عليه.
ومن حساب كله بهجة و فرح ومداعبات بينه و بين أصدقائه و حاله حب مع خطيبته وشير بوستات تحول " اكونت " محمود إلى دفتر عزاء فى يوم و ليله و طغت على جميع تعليقات أصدقائه عدم تصديق الصدمة و رحيله عنهم، وأخر ما نشره " بيومى " على حسابه هو فيديو للاعبين نادى روما يشجعون زميلهم محمد صلاح قبل المباراة النهائية لكأس الأمم الأفريقية ، وكان يصف نفسه بكلمة" فى يوما ما عليك أن تتذكر الاسم".
وقال أحمد السلاب صديق محمود بيومى، " أقسم بالله انا ما مصدق الواحد كل ما يقول خلاص ده اخر حد كفاية كده يجي خبطة اجمد من القبلها المرادي فيك يا بيومي !!لا حول ولا قوة الا بالله ده صورنا في خطوبتك و خطوبتي مكملوش سنة يعني ايه في نفس السنة النفرح بيك تتوفي يا رب اللهم لا اعتراض علي قضائك بس الموضوع صعب".
وتابع بكلمات كلها و جع، " ده عشرة عمر من و احنا عيال سوا و زكريات ملهاش اول من اخر في ثانية كده يبقي خلاص و الله ما قادر اقول ربنا يرحمك و ادعيلك في حاجة جوا الواحد مش قادر لسه يصدق، اللهم لا اعتراض و ان لله و ان اليه راجعون يا رب انت كريم اوي يا رب ارحمه برحمتك و اكرمه و صبرنا و صبر اهله".
