السيسي: "مش هاينفع نعمل مشروعات مترو بسعر التذكرة الموجود دلوقتى"

وجه الرئيس عبدالفتاح السيسي، الشكر للقوات المسلحة والتى قامت بتفيذ مشروعات أنفاق قناة السويس فى الوقت المحدد، معربا عن أمله فى إقامة مشروعات أكبر من ذلك، وتساءل: ماعرفش الشركات هاتبقى مستعدة إن تشتغل معانا فى المرحلة الرابعة للمترو والتى تشمل 14 كيلو متر. وأضاف الرئيس عبدالفتاح السيسي، خلال حفل انتهاء تنفيذ وتبطين أنفاق قناة السويس، قائلا:" مستعدين إنه يشتغلوا معانا ونعمل و لأول مرة فى مصر كل حاجتنا من الأول للأخر بشركات ومعدات مصرية، بس انا بقولهم هاخود "المكن" من هنا على هناك، لكن لما بنيجى نعمل مشروعات زى كده بناخود قروض من الدول التى تمول هذه المشاريع، لكن فى هذه الحالىة بتكون تمويل من الدولة، ولكن قدرتها مش قوية على إنها تمول مشروعات بالحجم ده لوحدها، فانتوا محتاجين يبقى فيه تمويل بفائدة مناسبة شوية من البنوك". وشدد الرئيس عبدالفتاح السيسي فى كلمته، "لن تكون أسعار هذه المشاريع عادية للمستخدم، زى مابتتقدم دلوقتى، أنا بكلمكوا بصراحة، هاتخود 30 مليار جنيه علشان تعمل خط مترو أنفاق بس من غير معدات، بالإضافة إلى 13 مليار أخرى معدات، ده مش هاينفع إن إحنا نعمله بسعر التذكرة الموجود دلوقتى، ولا بضعف التذكرة ولا بـ 3 أضعافها بصراحة كده". ووجه حديثه لمساعد رئيس الهيئة الهندسية للقوات المسلحة، اللواء أحمد فودة، لو كنتوا جاهزين دلوقتى يا أحمد أنا جاهز، إدرسوا الموضوع ده وتكون إنت المسئول قدامى عنه".