أكد الدكتور هانى الناظر، رئيس المركز القومى للبحوث السابق، الأستاذ بقسم الأمراض الجلدية بالمركز، أن سبب ارتفاع أسعار الليمون هو أن أوانه لم يأت بعد، مؤكدًا أن الموسم الخاص بالليمون فى شهر أغسطس.
وكتب "الناظر" عبر حسابه على فيس بوك: "حكاية الكلام والكتابة عن الليمون الغالى دى حاجة مش صح وبلاش نستعملها وسيلة لاستثارة مشاعر الناس لأنهم مش ناقصين، الحقيقة ان أشجار الليمون بتزهر فى شهر فبراير ومارس، وتعقد الثمار أول أبريل تقريبا، وتظل تنمو فى الحجم حتى تصل للحجم القابل للاستعمال فى يوليو وأغسطس وساعتها بتكون بكميات كبيرة وأسعار الليمون بتكون رخيصة جداً".
وأضاف الناظر: "إحنا دلوقت فى شهر يونيو وده مش الموسم بتاعه واللى موجود فى السوق بيكون بشائر بعض الأشجار وقليلة جداً، ودى عاملة زى زمان لما كنا صغيرين كان البياعين ينادوا ويقولوا يا قوطة يا مجنونة عشان سعرها قبل الموسم بتكون غالية، عشان كدة اليومين دول الليمون غالى وكلها بإذن الله الشهر الجاى وهانلاقيه مالى الأسواق زى كل سنة وتلاقيه رخيص جداً، ارحموا من فى الأرض يرحمكم من فى السماء".
