"الصندوق الاجتماعى للتنمية" يقترح إعفاء مشروعات الشباب من الضرائب

قالت سها سليمان الأمين العام للصندوق الاجتماعى للتنمية، خلال حديثها عن أهم معوقات الشباب للتعامل مع الدولة وقطاع الرسمى: "الشباب هيفضل خايف مننا ومن القطاع الرسمى طول ما إحنا بنعرضله العيوب قبل المميزات فى الدعم، طول ما إحنا بنقوله هتدفع ضرايب كذا، وما بنقلوش الحوافز إيه، لو إحنا أعفينا الضرائب عن عدد من المشروعات الصغيرة اللى ليها ظروف خاصة، أحسن ما ييجى وقت علينا كمان 5 سنين، ما نشوفش الشباب خالص بيتعاملوا معانا".

وأضافت سها سليمان، خلال كلمتها باجتماع لجنة المشروعات الصغيرة والمتوسطة ومتناهية الصغر بالبرلمان، أن الصندوق يتعامل مع 16 بنكا و450 جمعية أهلية لدعم الشباب، إلى جانب الدعم الفنى لأصحاب المشروعات، وعمل ما يقرب من 80 معرضا بسلسة كبيرة من المحافظات، متابعة: "عملنا بروتوكولات تعاون مع أرض الخير فى الوادى الجديد وجنوب سيناء، عبارة عن تمليك الشباب لرؤوس الماشية، وندعمهم بقروض، والجمعية مسئولة عن جلب المشترى".