"هتقول لولادك إيه عن مصر" يتصدر تويتر.. ومغردون: أجمل بلد ومش لاقيه حظها

دشن رواد موقع التواصل الاجتماعى "تويتر" هاشتاج "هتقول لولادك إيه عن مصر"، شاركوا فيه بفاعلية كبيرة جعلته يحتل صدارة الترند.

وتوالت تغريدات المشاركين، حيث قال محمد الجوهرى: "هقول لولادى أجمل بلد فى الدنيا بس مش لاقية حظها"، أما "رودينا" فقالت: "هقول إن فيها بشر تعرف معنى الوطن الغالى، عرفت فيها أصحاب أغلى من الذهب، ناس جدعه رغم ظروفهم، الله يحفظها لأهلها ويحميها".

أما "هشام عمارة" فقال: "أحلى نيل، أحلى أقصر وأسوان، أحلى إسكندرية وغردقة وشرم، أحلى هرم وأحلى سيوة، أحلى نوبة وسد وصعايدة، أحلى ناس عظيمة"، بينما قال عبد اللطيف: "مصر أم الكل، مصر العروبة، مصر الحضارة، شعبها مضياف، اللهم أحميها وأجعل أهلها فى أمن وأمان".

وقالت نيرمين: "هقولهم إن أهل مصر بجد مفيش زيهم فى العالم رغم حاجات كتير أوى اتغيرت دلوقتى، بس ربنا يحفظ ما تبقى"، فيما قالت رفيدة: "خليك دايما فخور ببلدك لأنها ذكرها ربنا فى أفضل كتاب، مصر فى القرآن، مصر عزيزة وغالية".