بالصور.. أسرة تحتفل بالمولد النبوى فى التحرير: "عايشين بأقل الإمكانيات وراضين"

أصطحب منذ قليل المواطن عبد الفتاح الحضرى، 55 سنة ويعمل محاسب فى مستشفى معهد ناصر، أبنه إبراهيم وأبنته جاسمين إلى ميدان التحرير حاملين عروسة المولد النبوى.

وقال "الحضرى": "احنا أسرة سعيدة عايشين بأقل الإمكانيات وراضين وشاكرين ربنا الحمد الله، وحبيت أفرح الأولاد بالمولد النبوى الشريف فخدتهم الصبح السيدة زينب، واشتريت للبنت عروسة المولد بـ15 جنيه، والولد حصان بـ10 جنيه، وبعد كده جبتهم ميدان التحرير، ومعايا العروسة اللى عملتها بإيدى".

وأضاف: "أنا من ثوار ميدان التحرير، وعشت عمرى بالقرب منه، ونفسى نقضى على الفساد عشان مستقبل أولادنا.. ولازم الناس تحب بعضها عشان الدنيا تبقى حلوة.. ولازم أصحاب رأس المال يبصوا للطبقة الفقيرة والقيادات تقلع طربوش الحكومة".