بائع: الشبكة عبارة عن طقم خمس قطع بـ500 جنيه.. وفى ناس بيكتفوا بدبلة و«توينز» بـ50 جنيه علشان الغلا.
«أصل الدولار رفع» هذه هى الجملة السحرية التى يرفع بها التجار أسعار أى سلعة فى ظل غياب الرقابة على الأسواق، حتى أن الذهب الصينى الذى كان مهربا لمن لا يملكون سعر الذهب الحقيقى ارتفعت أسعاره بشكل كبير.
يتحدث حسام سيد، بائع ذهب صينى بحى الحسين، قائلا: «أنا بقالى خمس سنين بشتغل بائع دهب صينى وحال السوق من ستنين تقريبا مش مستقر والأسعار رفعت كتير قوى بعد ارتفاع سعر الدولار.. الحاجة إللى كانت بـ5 بقت بـ15 جملة من الصين مش من مصر».
وأضاف أن ارتفاع الأسعار جعل الزبائن يعزفون عن الشراء، حيث قل الإقبال تماما على الذهب الصينى، ما عدا الإكسسوارات البسيطة مثل الدبل والتوينزات والخواتم والسلاسل القصيرة؛ لأن سعرها بسيط لا يتعدى الـ30 جنيها.
وعن الشبكة المصنوعة من الذهب الصينى والإقبال عليها، أوضح أنه «ما زال هناك شباب يقبلون على شراء الذهب الصينى كشبكة بديلة للشبكة الذهبية لكن الإقبال قل بنسبة 75٪ مقارنة بفترات سابقة».
وقال حسام: «الشباب هتعمل إيه الدهب دلوقتى وصل إلى 300 و400 جنيه هيشتروا إيه واللا إيه فبييجوا على اتفاق من العيلتين ويشتروا شبكة كاملة من الدهب الصينى وبيكون فى زغاريد وفرحة كأنهم بيشتروا دهب عادى».
واختتم حديثه بقوله: «الشبكة الصينى بتكون عبارة عن طقم خمس قطع، كوليه وخاتم وحلق وأنسيال مع دبلة وتوينز وبتكون سعرها حولى 500 جنيه مش بتزيد عن كده، وفى ناس بيكتفوا بدبلة وتوينز سعرهم حوالى 50 جنيه فقط، بسبب ارتفاع الأسعار».