استجابة لما نشره “انفراد” حول مأساة مواطن معاق يعانى من مرض السكر يسكن الشارع هو وأطفاله، قرر الدكتور مصطفى مدبولى، وزير الإسكان والمرافق والمجتمعات العمرانية، منحه وحدة سكنية ضمن وحدات الأولى بالرعاية بمدينة 6 أكتوبر.
كاميرا «فيديو7» قناة “انفراد” المصورة، رصدت فرحة “حسام”، وزوجته وأولاده بالشقة، حيث قالت أم عبده زوجة حسام:”الحمد لله خدنا شقة الحمد لله رب العالمين نحمد ربنا ويجزيكم الله خير انتم وكل اللى ساعدنا فى ورق أو فلوس لحد ما جينا هنا، إحنا كنا قاعدين فى الشارع من 1996 وبننتقل من مكان لمكان بس الحمد لله وربنا يجزيكم خير”.
فيما قال حسام:”والله تعبت كتير لحد ما أخدت الشقة دى لولا ربنا وقف لى ولاد الحلال وربنا كرمنى بـ”انفراد”، هو الوحيد اللى عطانى أمل فى الدنيا، أنا كنت أستحق شقة من زمان ليه هما كانوا معطلنى، وأنا من سنة 1996 بقدم وكنا قاعدين فى العشة اللى فى أكتوبر وكنا بنتنقل من مكان لمكان”.
وأضاف حسام :” ما ذنب أبنائى فى الحرمان من المدارس بسببى.. حرموهم من المدارس ورفضوهم عشان مكنش عندى عقد إيجار”، مناشدا رئيس الجمهورية:” هناك ناس إيديهم مرتعشة هم من يعطلون وقوف المسئولين مع الغلابة”.
وقال حسام إنه بعد نشر قصته على “انفراد” قام أحد المتبرعين بدفع المبلغ المطلوب منه لاستلام الشقة”.
وأضاف:”أنا مبسوط ولكن بتمنى أن يكمل ابنى تعليمه لأنه خرج من المدرسة فى الصف السادس الابتدائى ودلوقت سنه فوق السن القانونى وبتمنى دخوله المدرسة من جديد”.
فيما طالبت زوجة حسام فاعلى الخير بمساعدتهم لفرش شقتهم لأنهم لا يملكون ما يفرشون به شقتهم.