طالبت المواطنة فتحية محمد إبراهيم العربى، المسئولين من أمام مكتب تلقى الشكاوى بمجلس الوزراء بشارع حسين حجازى اليوم، الأحد، بمساعدتها بتوفير سكن لها.
قالت فتحية لـ"انفراد": "انا عندى 67 سنة، وعيالى مبيسألوش عنى، وعايزة حتى أوضة أعيش فيها، وعندى السكر، والأنسولين خلص منى ومخدتش العلاج بقالى أسبوع، وملقتش حتة اقعد فيها، ورحت للجمعيات الخيرية رفضوا يساعدونى، ويادوب باخد معاش من الشئون الاجتماعية 320 جنيها، ومش بيكفونى أكل وشرب، انا بشحت، وأهم حاجة عندى ألاقى أوضة تلمنى حتى لو فى إيواء"، مؤكدة: "حاولت اشتغل محدش رضى عشان سنى ".
وأضافت فتحية: "انا عاذرة عيالى الحياة بقت صعبة جدا ويادوب شايلين نفسهم ورحت كتير على الإسكان وبيقولى اسمك لسة مجاش، وبقيت بنام فى الشارع، نفسى أقضى بقيت عمرى مستورة بين أربع حيطان، يارب المسئولين يساعدونى نفس أحس إنى إنسانة".