أقام خريجو كلية التربية فى جامعة بورسعيد، يوم للتخرج أسموه الـ"fun day"، وكسروا "زير" وسط شارع محمد على أمام الباب الرئيسى لأعضاء هيئة التدريس بالكلية.
وكان قد خرج طلاب الكلية بالملابس السوداء رافعين شعار "من فرحتنا لبسنا أسود فى حفلتنا"، وتغنوا ببعض الأغانى التى قالوا فى بعضها: "الليلة إحنا خلاص مش هنروح الكلية.. اتخرجنا يا ناس.. دفعتنا ميه ميه".
وعَلَّقَ البعض على الفيديو بعد نشره على موقع التواصل الاجتماعى "فيسبوك" قائلين: "يا سلام على معلمين المستقبل.. أنتم أسأتم للتربية والتعليم، ما شاء الله مدرسين المستقبل بيكسرو زير ورا التعليم بتاعهم.. دى خيبة والله".
ورد البعض الآخر قائلين: "ايه يعنى لما يفرحوا؟ ولا هما اتكتب عليهم الإحباط فى كل حاجة، ياااه كان نفسى أعمل كده لما اتخرجت منها يخرب بيتها كلية.. والله الواحد ماشافش قليل فيها، ربنا يفرحكم فعلا كلية صعبة وربنا معاكم، بنتى فى كيميا وتعبت جدا فيها وهانت كلها شهر وترتاحوا، هيصوا محدش واخد منها حاجة".