أكد الإعلامى خالد الغندور، أن انتقاده باسم مرسى مهاجم الزمالك، جاء لرغبته فى أن يستعيد اللاعب مستواه المعهود، معرباً عن دهشته من تغيير باسم قصة شعره سبعة مرات فى سنة واحدة، فى ظل تذبذب مستواه، والنتائج السيئة التى يحققها فريقه.
وقال الغندور، أثناء تقديم برنامجه "اللعبة الحلوة": "باسم بيضايق من النقد، ودى مش أول مرة يعملها، وكان عايز يتكلم على النجم الكبير حازم إمام لما انتقده، ودلوقتى بيتكلم على، وهو فاكر إنه لازم كل الناس تمدحه طول ماهو فى الملعب..أنا عارف إن باسم حقه يعمل اللي هو عايزه، لكن اللي مستغربله إزاى بعد الخسارة من الإنتاج الحربى بالثلاثة، والجمهور زعلان وحزين، ويروح يغير شعره قبل معكسر المقاولون، وده اللي كنت بنتقده فى باسم..وهو عارف إنه أخويا الصغير، لكن أنا نفسى يرجع رأس الحربة رقم واحد فى مصر زى الأول".
وأضاف الغندور:"حبيت أفكر باسم وعمرو جمال، الإثنين بيغيروا شعرهم كتير، ومهتمين بالحجات دى أكتر، عكس محمد صلاح وأحمد حسن كوكا اللي مبيهتموش بالشكليات دى، وأهم حاجة عندهم الأداء، وبتمنى اللاعبين يكونوا كويسين ويخدموا فريقهم وبلدهم، وأتمنى يتقبلوا النقد لأنه فى مصلحتهم".