المدير الفنى لمنتخب اليد: اللاعيبة بقالها 3 سنين ونص برا بيوتها عشان البطولة

أكد مروان رجب، المدير الفنى للمنتخب الوطنى لكرة اليد، أن الفوز ببطولة الأمم الأفريقية البداية وليس النهاية، قائلا، "اللاعيبة بقالها 3 سنين ونص برا بيوتها عشان البطولة، وربنا كرمنا، واللى جاى هيبقى أفضل إن شاء الله، ونستعد لأوليمبياد ريودى جانيرو".

وأضاف "رجب"، خلال احتفالية كلية الآداب بجامعة عين شمس لتكريم لاعبى المنتخب الوطنى لكرة اليد، لفوزهم ببطولة الأمم الأفريقية الـ22 بعد غياب 8 سنوات، "فى مصر معندناش ثقافة اللاعب الأوليمبى، وبنجتهد عشان نبسط شعبنا والبطولة بداية لينا مش نهاية" .

من جهته قال محمد إبراهيم، لاعب المنتخب الوطنى لكرة اليد، "كنت واحد من الطلبة فى يوم من الأيام، وربنا كرمنا وعملنا حاجة قدرنا نفرح بيها الشعب، وكان علينا ضغط كبير إننا فى بطولة على أرضنا ومكنش عندنا خيارات تانية غير إننا نكسب وبشكر الشعب المصرى كله على مساندتنا".