برة الملعب.. نادين السلعاوى محترفة السلة بالدورى الأمريكى: بحب السينما وأنغام

بعيدا عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن. نجمة اليوم هى نادين السلعاوى لاعبة سلة الأهلى المحترفة فى دورى السلة الأمريكى NBA فكان معها الحوار التالى .. ما هوايتك المفضلة بعيدا عن الرياضة؟ فى وقت فراغى أذهب إلى السينما لمشاهدة الأفلام. ما الأكلة التى تتميزين فى طبخها؟ بحب جدا التشيكن الفريدو وبحب اعملها بنفسى كمان. من نجمك المفضل؟ أحمد عز طبعا وبحب كل أعماله الفنية. من مطربك المفضل؟ أنغام أكيد كل أغانيها أجمل من بعضها. لو لم تكونين لاعبة كنتى تتمنى تكونى إيه؟ كنت أتمنى أكون ناجحة فى أى عمل أقوم به. مين من نجمات السينما كنتى تتمنى تكونى مثلها؟ إيمى سمير غانم لإنى بحبها جدا جدا. لما تتعاكسى فى الشارع ممكن تستخدمى العنف أم لا؟ لا مش هستخدم العنف سأتجاهل الموقف. بتحبى الملابس الكاجوال ولا الفورمال ؟ الكاجوال طبعا أسهل. تفضلى الارتباط بشخص رياضى أم غير رياضى؟ مش هتفرق المهم الشخص نفسه وشخصيته. لو طلب منك تسيبى الرياضة هتعملى إيه؟ والله الموضوع هيبقى حسب الوقت اللى يطلب فيه منى كده.. بس طبعا الرياضة مهمة جدا بالنسبة لى ولا أعتقد انه ممكن يطلب الطلب ده.