برة الملعب.. مى حلوة لاعبة سلة سبورتنج: بحب المكرونة واللى يعاكسنى بيتهزأ

بعيداً عن الرياضة وملاعبها وصالات المنافسات، هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققها، ويظهر فيه اهتمامهن بحياتهن الشخصية وهواياتهن. نجمة اليوم هى مى حلوة لاعبة سلة سبورتنج فكان معها الحوار التالى.. ما هوايتك المفضلة بعيدا عن الرياضة؟ رغم أننى لاعبة لكن وقت الفراغ وعدم وجود المباريات أو التدريبات برضه بلعب رياضة لأنها فى دمى. ما الأكلة التى تتميزين فى طبخها؟ المكرونة سهلة بس متميزة فيها جدا بكل أنواعها. من نجمك المفضل؟ كوبى براينت من مطربك المفضل؟ عمرو دياب طبعا كل حاجة بيغنيها حلوة. لو لم تكونى لاعبة كنتى تتمنى تكونى إيه؟ محامية بحسهم مختلفين عن باقى الوظائف. مين من نجمات السينما كنتى تتمنى تكونى مثلها؟ ياسمين عبد العزيز جميلة فى نفسها كده. لما تتعاكسى فى الشارع ممكن تستخدمى العنف أم لا؟ مش ممكن أستخدم العنف لكن ممكن أعلى صوتى وأهزأه. بتحبى الملابس الكاجوال ولا الفورمال؟ الكاجوال بحبه لأنه عملى. تفضلى الارتباط بشخص رياضى أم غير رياضى؟ الرياضى أكيد لأنه هيقدر ظروف الشغل والماتشات. لو طلب منك تسيبى الرياضة هتعملى إيه؟ لا أعتقد أنى أرتبط بشخص يطلب منى أسيب الرياضة.