السولية: التالتة شمال أغنيتى المفضلة.. ولولا الإسماعيلي مكنش اسمي اتعرف

تجاوب عمرو السولية لاعب وسط النادي الأهلي مع أسئلة مجموعة من الجماهير الأهلاوية، التى حرصت على التعرف أكثر على لاعب القلعة الحمراء من خلال طرح عدة أسئلة على السوية عبر حسابه الشخصي على موقع إنستجرام. وجاءت الأسئلة والإجابات كالتالي: رأيك في أزارو؟ من أحسن المهاجمين اللى لعبت معاهم. لونك المفضل وأكلتك المفضلة؟ الأسود، والمحشي. أكثر بطولة فرحت بها مع الأهلي؟ الدوري الموسم الماضي. وجهة نظرك فى النني؟ مش واخد حقه. بصراحة.. لسه بتحب الإسماعيلي؟ طبعا، وعمرى ما هنسى فضله عليا بعد ربنا، ومن غيره مكانش اسمي هيكون موجود. بترتاح أكثر مع حمدى فتحي أم أليو ديانج؟ حمدى وديانج أسلوبهم مختلف عن بعض لكن لا غنى عن الثنائى. تفتكر الدورى هيكمل؟ بإذن الله. أكثر أغنية بتحبها؟ الثالثة شمال. نفسك تحترف في دوري إيه؟ الدوري الإنجليزي يا رب. أحسن مدرب لعبت معه؟ حسن شحاتة. بدأت كرة فين؟ في مركز شباب مدينة سمنود فى سن 10 سنوات. مثلك الأعلى عالمياً؟ ألونسو ودي بروين. هتكمل في الأهلي ولا هتمشي؟ هكمل بإذن الله. لو جالك عرض إنجليزي أو خليجي هتسيب الأهلي؟ الاحتراف أكيد حلم بس لو فى مصلحة النادي. نفسي أشوفك واخد حقك فى المنتخب؟ كل ده نصيب الواحد بيعمل اللي عليه والباقي على ربنا.