برة الملعب : نور محمود لاعبة السباحة : بحب هنا الزاهد ونفسى اكون ممثلة

بعيدًا عن الرياضة وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى نور محمود، لاعبة السباحة بالنادى الأولمبى، والتى تعد من أبرز نجمات اللعبة لما شاركت فيه من بطولات عديدة على صعيد الناشئين، وتتألق أيضاً من حيث الشياكة والأناقة خارج صالات المنافسات. ما هوايتك المفضلة بعيدا عن الرياضة؟ لقراءة والرسم رغم انى مش بعرف ارسم بنسبة 100% لكن بحب ارسم فى وقت فراغى. ما الأكلة التى تتميزين فى طبخها؟ مش بعرف اطبخ ، لكن الاكلة اللى بحب أعملها اكتر هى المكرونة بالوايت صوص. من نجمك المفضل؟ أحمد عز من مطربك المفضل؟ تامر حسنى كل أغانيه حلوة. لو لم تكونين لاعبة كنتى تتمنى تكونى أيه؟ ممثلة. لما تتعاكسى فى الشارع .. ايه بيكون رد فعلك؟ مش برد على حد وبمشى فى طريقى. مين من نجمات السينما كنتى تتمنى تكونى مثلها؟ هنا الزاهد ، جميلة وممثلة شاطرة. بتحبى الملابس الكاجوال و لا الفورمال؟ مجربتش البس فورمال بس الكاجوال افضل و اريح ليا بالاضافة اني ك رياضية لبسي كله كدا. ولو هترتبطى تحبى ترتبطى برجل رياضى فى تخصصك ولا وظيفة تانية؟ مش بفكر فالموضوع دا دلوقتي انا قدامي هدف فالرياضة و التعليم عاوزه احققه. لو طلب منك تسيبى الرياضة هتعملى ايه؟ لا هسيبو هو، لأن الرياضة دلوقتي جزء أساسي في حياتي.