كشف أيمن غزلان، عضو مجلس إدارة اللجنة المؤقتة لاتحاد الطائرة والقائم بأعمال المدير التنفيذى للاتحاد، عن إرسال خطاب احتجاج للاتحادين الدولى والأفريقى للعبة، يشكو استبعاد مصر من استكمال منافسات التصفيات الأفريقية لسيدات المقامة فى المغرب والمؤهلة إلى أولمبياد طوكيو، بحجة ظهور حالة كورونا لدى مدرب الرجال أحمد عبد الله .
وقال غزلان، فى تصريح لـ "انفراد"، الأمر واضح أنه تلكيكة وسيتم تصعيد الأمر لعدم السكوت عن هذه المهزلة وحرمان اللاعبات من خوض اللقاء قبل المباراة بساعات .
منتخب سيدات الكرة الطائرة الشاطئية كان من المقرر أن يواجه نيجيريا فى نصف نهائى التصفيات الأفريقية القارية المؤهلة لأولمبياد طوكيو 2021.
ونجح منتخب سيدات الكرة الطائرة الشاطئية فى التأهل إلى نصف نهائى التصفيات الأفريقية القارية المقامة فى المغرب والمؤهلة إلى أولمبياد طوكيو بالفوز على رواندا فى دور ربع النهائى بنتيجة 2/1 بالمباراة الذهبية.
من جانبها كتبت نجمة الفريق دعاء الغباشى، عبر صفتحها على موقع التواصل الاجتماعى فيس بوك، "بكل هدوء إحنا لاعيبه حلمنا من 2016 التأهل للأولمبياد وبقالنا 5 سنوات بنتمرن عشان البطولة دى تيجى وتكون فى المغرب اللى هى البلد المنافس أصلا عملنا مسحة قبل ما نسافر طلعت سلبى وماسحة أول ما وصلنا وبرضه طلعت سلبى وقايلين كلهم إن اغادير مفهاش كورورنا وإنهم بيعملو كده عشان يحافظوا على البلد أول ما وصلنا اتعمل مسحى وفضلنا 3 أيام م فى الغرف عشان النتيجه تطلع ومرضوش يخرجونا من الأوضة غير إما النتيجة تطلع وطلعت سلبى الحمد لله من 3 أيام فجأة قالو كله ينزل يعمل مسحة مع إنهم أصلا مكنوش قايلين إن فى مسحة هتتعمل تانى عشان المفروض إننا فى فقاعة فى فندق فيه 100 الف شخص ونصهم سياح بره البطولة امبارح الساعة 11 بليل بتوقيت مصر قالو مصر متخرجش برة الأوض عندهم حالة إزاى وامتى وكلنا كويسين قلنالهم مين قالو مدرب فرقه الرجال، طب هنعمل ايه يا جماعة قالو هنلعب لحد ما اللجنة الطبية تاخد قرار ماتشنا انهاردة الساعة 9 الصبح طبعا نمنا كلنا اللاعيبه بعد ما اتاكدنا إننا هنلعب بعد توتر وعياط وصويت، فجأة نصحى على رسالة الساعة٣:٣٠ توقيت مصر ٤:٣٠ متخرجوش من الأوض انتو برة البطولة، يرضى مين ده يا عالم يرضى مين، دى لعبة واحنا متاكدين منها المدرب سليم ومع العلم ممنوع حتى نجيب حد يعملنا مسحات تانيه ولا حتى فكروا يعيدو المسحه ولا اصلا شوفنا ورق المدرب اللى بيقولوا إنه ايجابي، احنا ماتشنا الساعة 9 الصبح يعنى كام ساعة ماتش ضمنينهه نكسبه نكون فى النهائى احنا مخالطين جميع اللعيبه ومخالطين فرقه المغرب والفرق الى لعبناها والحكام والناس اللى فى المدرجات الى هما منظمين احنا مخالطين رئيسة الإتحاد الأفريقى اللى هى رئيسة اتحاد المغرب أصلا يعنى لو فى فعلا حق يبقى المنتخبات كلها يتعملها ماسحل اشمعنا مصر هى اللى ايجابى ولو ايجابى هتبقى ايجابى من مين من نفسها يعنى، حد يلحقنا والنبى احنا حلمنا فجاه بقى تراب ومش عارفين نعمل حاجة، يارب انت حسبى ونعم الوكيل".
