تحدث سعد سمير، مدافع النادي الأهلي، عن غيابه عن التشكيل الأساسي والمشاركة مع المارد الأحمر خلال المباريات الماضية، قائلا: "أي لاعب لما بيمضي مع النادي الأهلي أو بيجدد محدش بيكون ضامن هيلعب ولا لا أو يشترط هيلعب ولا لا".
وقال سعد سمير، في تصريحات تليفزيونية: "أي حد المهم إنه يكون بيلعب، طبيعي يكون نفسك بتلعب لكن الماتشات مضغوطة وقريبة، وأي مدير فني ما بيصدق إنه يلاقي التشكيل المثالي".
وأضاف سعد سمير: "مينفعش تفكر في نفسك، لازم تفكر في مصلحة الفريق، هي وجهة نظر، وكمان عليك دور ككابتن للفريق إن عليك مسئولية مضاعفة بالانصياع لوجهة نظر المدير الفني".
وتابع مدافع الأهلي: "طبيعي إنك تكون بتتمنى تشوف الأهلي في أحسن مكان ودايما في بطولات وانتصارات، عاوز تشوفه كسبان وانت بتلعب أو دكة أو برة النادي أصلا، ده اللي اخدناه من اللعيبة الكبار".
واستطرد سعد سمير: "الجمهور بيفتكر أن الأهلي هو بطل افريقيا 2021 مش مين اللي لعب ومين لا، لم أشعر بأرقامي وبطولاتي مع النادي الأهلي إلا بعد تهنئة محمود الخطيب لي أمس في ارض الملعب".
واختتم: "لما القدوة بتاعتك يشيد بيك ده بيكون وسام على صدرك للأبد، واللاعب الي مش هيكون في الأهلي مش هيقدر يحقق البطولات الي بنحققها أو يحصل على التقدير وحب الناس بالشكل ده".