برة الملعب..فاطمة الأينوبلى بطلة المصارعة التونسية: بسمع تامر حسني ومليش فى المطبخ

بعيدًا عن الرياضة وملاعبها وصالات المنافسات هناك جانب آخر فى حياة اللاعبين والمدربين على صعيد الألعاب الفردية أو الجماعية، هذا الجانب يتجرد فيه اللاعب أو المدرب من البطولات والألقاب التى حققها، ويظهر من خلاله الاهتمام بحياته الشخصية وهواياته، ونجم اليوم فى برة الملعب حمد فتحى عملاق كرة السلة و اليد . نجمة اليوم فى برة الملعب هى فاطمة الاينوبلى لاعبة المصارعة التونسية وخطيبة البطل الاولمبى فى اللعبة كيشو الحاصل على برونزية أولمبياد طوكيو؟ ما هوايتك بعيدا عن الرياضة؟ هوايتي السفر والموسيقى بسمع اغاني بمختلف اللغات والشوبنج كمان ما الأكلة التى تتميزين فى طبخها ؟ الصراحه ولا حاجه بس ممكن الحلويات لما اتفرج على فيديوهات على النت ممكن اقلد ما الأكلة المصرية التى تجيدين اعدادها؟ انا و المطبخ مش اصحاب ههه لسا متعلمتش حتى الاكل التونسي من هو نجمك المفضل؟ افضل نجم و مطرب بالنسبالي تامر حسني بقيت بسمع اغانيه من ساعه ما عرفت كيشو ، ده غير انه ممثل شاطر لو لم تكونى لاعبة كنتى تتمنى تكونى أيه؟ زمان كنت افكر في التمثيل او عروض الازياء بس حاليا لا أرى نفسي في اي مكان تاني غير اني رياضيه سواءا لاعبة او مدربة و استاذة لما تتعاكسى فى الشارع ايه بيكون رد فعلك؟ بحاول اتجنب المشاكل و المشاده الكلاميه و بعتبر نفسي مسمعتش حاجه اصلا و بمشي هل استخدمتى العنف خارج صالات المصارعة؟ لا ابدا انا من الشخصيات الهادية و المسالمة جدا برى ،طاقتي كلها بتكون في تمرين بس مين من نجمات السينما كنتى تتمنى تكونى مثلها؟ مش متابعة كتير للسينما العربيه بس لو عامة بحب نجمات كتير زي emma watson ، scarlett johansson ، angelina jolie ، priyanka chopra ، alexandra daddario بتحبى الملابس الكاجوال ولا الفورمال؟ اميل للكاجوال اكتر بحس انو هو استايلي لو كيشو طلب منك تسيبى الرياضة هتعملى ايه؟ الرياضة لها النصيب الأكبر من حياتي اليومية بحكم طبيعة عملي كاستاذة تربية رياضية و لاعبه مصارعة و مدربة لياقه بدنية ، ومن الصعب الابتعاد عن الرياضة بصفة عامة ولكن بالنسبة للعبة المصارعة من الممكن ان ابتعد عنها للاهتمام بمستقبلي المهني.