قام احمد حسن عميد لاعبي العالم ونجم المنتخب الوطني السابق، بتصميم تي شيرت يحمل شعارات وطنية لتدعيم والترويج لمصر، وقام بارتداءه اثناء تكريمه من جانب نادي اندرلخت البلجيكي له اليوم باعتباره احد المساهمين في انجازات النادي البلجيكي اثناء فترة احترافه.
وكتب احمد حسن علي التي شيرت : شكرا اندرلخت، وجمهوره العظيم ، مصر ارض السلام ترحب بكم.
ونشر احمد حسن علي صفحته الرسمية رسالة مضمونها.
"على الرغم من كل الظروف الصعبة اللي بنعيشها من غلاء وارتفاع الاسعار ومشاكل كتير ، بس قعدت أفكر لو كل واحد فكر في حاجة ايجابية يعملها ويقف بيها جنب بلده ، بجد أعتقد ان الحال هيتغير للاحسن ولو لبعض الشئ ، النهاردة ان شاء الله عندي تكريم من نادي اندرلخت ، والحمد لله بتربطني علاقة حب كبيرة مع هذا النادي وجماهيره منذ تواجدي باللعب في هذا النادي ، ففكرت وقولت لية ما أعملش حاجة تساعد بلدي بشكل محترم يحفظ كرامتنا قدام الناس ،
عملت تي شيرت اشكر النادي وجماهيره علي التكريم وحسن الاستقبال وأبعث رسالة تدعم السياحة والأمن بشكل محترم ولائق".
المباراة بيحضرها فوق العشرين الف داخل الاستاد وبيشوفها ملايين من خلال التلفاز غير السوشيل ميديا اللي بتنقل الاحداث .
.
ومفاد الرسالة
" شكرا لنادي اندرلخت والجماهير العظيمة ، وأهلا ومرحبا بكم في أرض السلام مصر "
ده التي شيرت اللي هظهر بيه ان شاء الله في أرض الملعب واللي هوزعه علي الجماهير في المباراة اثناء التكريم ، ويارب الفكرة تيجي بنتيجة ويبقي عملنا حاجة نساعد بيها بلدنا ونعلم الأجيال القادمة معني الانتماء.
وأعتقد ان رغم كل الظروف اللي بنمر بيها لكن بلدنا تستحق.
