نشر عبد الواحد السيد، حارس مرمى الزمالك السابق، صورة كارنية العضوية العاملة فى نادى الزمالك، بعد المصالحة مع إدارة النادى مقابل التنازل عن مستحقاته المتأخرة.
وكتب عبد الواحد عبر حسابه على انستجرام: "عشانك اتنازلت على 3 ملايين و200 ألف، بس تستاهل أكتر، وعلى فكرة مخدش أى حاجة من الباقى كمان عشان الكلام الكتير اللى أنا شايفه، الأهم من ده كله احترام الزملكاوية اللى كانوا زعلانين".
وكان عبد الواحد السيد تنازل عن 3 ملايين و200 ألف جنيه من مستحقاته لنادى الزمالك للتصالح والتنازل عن شكوى القلعة البيضاء لدى الاتحاد الدولى "الفيفا"، وكان من ضمن بنود التصالح عمل عضوية عاملة للاعب بالنادى، وهو ما حدث بالفعل خلال الساعات الأخيرة.
وجاء إصرار عبد الواحد السيد على عمل عضوية عاملة بالزمالك هو رغبته فى خوض انتخابات القلعة البيضاء المقبلة على مقعد العضوية، حيث تنص اللوائح على ضرورة أن يكون المرشح لعضوية مجلس الإدارة عضوا عاملا بالنادى قبل إقامة الانتخابات بعام على الأقل.
