شن المخرج محمد نصر هجوما عنيفا على مجلس ادارة النادى الاهلى بقيادة محمود طاهر رئيس النادى ووجه له رسالة قاسية " خلى عندك كرامة أو بالسلامة" .
وكتب المخرج الاهلاوى على صفحته الشخصية على الفيس بوك " إزاى تهينن جمهورك وتبلغ الامن عنهم واوعى تقولى إنى بأدافع عن اولتراس أهلاوى لما الشباب صاحى من الفجر وسايب كل حاجة فى حياته وجاى يدعم فريقه فى ماتش مهم زى الماتشتات اللى فاتت لما الفريق احتاجهم وجدهم زئير مرعب ورهيب بيهز القلب قبل المدرج هو بيأخد منك أجر ولا مستنى هدايا منك" .
وتابع نصر: "الموضوع مش مات شكورة دى كرامة ومبادئ الفريق مسافر برج العرب ملعبه اللى اختاره لو رجعته أو منعته يبقى فى داهية الكورة وزى ما هددك بالانسحاب تهدده بالانسحاب وافتكر برج العرب اللى فات .خلى عندك كرامة أو بالسلامة" .
وكتب المخرج "باقولك ايه يا اهلى انت الكيان وعارف انك منهم مليان باكلمك يا كيان وعارف انك اسمعنى لو سمحت اغضب يا اهلى صالح ومرتجى والخطيب جاء اليوم الاغبر اللى يكون وصى عليك كإن مجلسك لم يبلغ سن الرشد ومين الوصى على الاهلى..رئيس نادى الزمالك هو اللى يحدد لك تلعب فين وتاكل ايه وتدير ازاى وتلبس أيه".