الأهلاوية على تويتر: رمضان متقفش عالكورةوالزملكاوية: قاتلوا من أجل العشرين

وجه جمهور قطبى الكرة المصرية رسائلهم لفريقيهما قبل لقاء القمة المرتقب، اليوم الثلاثاء، عبر موقع التواصل الاجتماعى "تويتر"، إذ دشن جمهور النادى الأهلى هاشتاج بعنوان "رمضان متقفش عالكورة"، فيما دشن جمهور الزمالك هاشتاج بعنوان "قاتلوا من أجل العشرين".

وأرسل مشجعو الأهلى رسائلهم للاعب الفريق رمضان صبحى بعدم تكرار واقعة الوقوف على الكرة أمام الزمالك مرة أخرى، وتنوعت التغريدات على هذا الهاشتاج بين التغريدات الحقيقية والساخرة، فجاءت أبرز التغريدات كالتالى "محدش يقول لرمضان متقفش عالكورة عايزين نخليها وقفة رمضان التالتة".. "أصلا فى ماتش السوبر كنا نقدر نكسب 4 أو 5 بس بسببه دخل فينا جول بس أنا شايفة إنه يقف عالكورة فى آخر دقيقة فى الماتش".. "تبقى مصيبة لو رمضان عملها تالت ده ممكن حازم إمام يقطع شرايينه فى الملعب".

وتابعت التغريدات "تاريخ رمضان صبحى يتلخص فى وقفتين عالكورة وشلوت وخطوبة وفسخها فى أسبوع".. "أتوقع هيكون فى لاعب مش هيسيب لرمضان مساحة إنه يعمل أى حركة بجد ودى فكرة لأن كدة هيفتح الملعب من الجهة التانية".. "تفتكـروا ممكـن يعملـها للمـرة التالتـة على التوالى؟!".

فيما استغل جمهور نادى الزمالك ذكرى شهداء مشجعى الفريق فى حادث الدفاع الجوء المأساوى لإعطاء دفعة للاعبين قبل مباراة القمة، فكانت مطالبهم بتكثيف التركيز للفوز فى اللقاء وإهداء الفوز لمن ماتوا مرتدين ألوان الفريق، وجاءت أبرز التغريدات على الهاشتاج كالتالى "نثق بكم فثقوا فى أنفسكم وكونوا على قدر المسئولية".. "هنفضل نقول الله يرحمه لغاية لما حد يقول علينا ربنا يرحمنا".. "قاتلوا من أجل الأوفياء".

وتابعت التغريدات "قبل الماتش نفسى أشوف 11 راجل فى الملعب نفسى أشوف روح نفسى أشوف أداء والله النتيجة مش مهمة المهم نكون رجال".. "بس كدا دى أحلى حاجة ممكن تقدموها للكيان اللى ضحوا بنفسهم عشانه".. "انصرنا يا رب عالفوز الليلة حارب".. "نحن نثق بكم ثقوا فى أنفسكم".