أكد مجدى عبد الغنى لاعب المنتخب الوطنى السابق، أنه من عشاق التليفون الأرضى برغم انخفاض نسبة احتياجنا له حاليا.
وأضاف عبد الغنى، فى مداخلة مع برنامج يلا أونلاين، أن له تجربة مثيرة مع التليفون الأرضى، وقال: "جالى عرض احتراف من البرتغال وقالولى إدينا رقم هنكلمك عليه نتفق على العرض، إديتلهم رقم شقة إسكندرية عشان كنت هناك وقتها، ورجعت الشقة على ميعاد المكالمة فلقيت مفيش حرارة".
وتابع: "قلبى وقع وقعدت ألعب فى السلك عشان الحرارة تيجى، ونزلت عند البوكس صلحته بنفسى من غير ما أستنى حد من الشركة يجيلى، عقد الاحتراف كان هيطير بسبب حتة سلك".
وأكد عبد الغنى أنه يتابع السوشيال ميديا ويتفاعل مع المتابعين، وقال: "اللى بينتقدنى مبزعلش، بس اللى بيشتمنى بعمله بلوك علطول".
برنامج يلا أونلاين يذاع يومى الأحد والخميس فى تمام الرابعة مساء عبر إذاعة نغم إف إم، ويقدمه هبة السيد وتامر إمام وأمنية يحيى وأحمد البرماوى وخلود نادر، ومن إنتاج شركة POD بالتعاون مع بروموميديا.