قال الفنان محمد جمعة الشهير بـ "عم ضياء" وصاحب المقولة الشهيرة "كله رايح"، العام السابق كنت فى عبد المنعم رياض بالتحرير بوصل حد لموقف السوبر جيت ولقيت واحدة معدية وصل انها كانت هتضربنى بسبب انى ازاى عملت كده فى تقى اللى هى البنت اللى كانت معايا فى مسلسل هذا المساء.
وأضاف: اللى انقذنى وجود زوجتى وابنى معايا فى العربية، فالسيدة هديت شوية فقلتلها معلش وطلبت منى معملش كده تانى فقلتلها حاضر.
وتابع: فى مواقف محرجة كتير فى الحياة بس انا مشكلتى دايما انى مش بعرف أكسف حد فلما حد بيطلب منى حاجة بضطر اعملها حتى لو الموضوع هيرهقنى صحيا او جسديا أو معنويا، ودهبياثر عليا كتير اوى
وأختتم حديثه، اتمنى ان الناس اللى شافتنى فى مسلسل "الوصية" فى شخصية عم ضياء، يكونوا اتعلموا الدرس لانه كان مهم جدا ، وضياء اختصر الموضوع كله فى كلمة واحدة "كله رايح".
يذكر ان الفنان محمد جمعة، ظهر بشكل كبير فى موسم رمضان 2018، من خلال 3 أعمال درامية هم، مسلسل "ضد مجهول" للفنانة غادة عبد الرازق، مسلسل "أبو عمرى المصرى"، وأخيرا مسلسل "الوصية" الذى أشتهر من خلال بشخصية عم ضياء صاحب مقولة "كله رايح".