مى حلمى تخفى صور مع خطيبها محمد رشاد منذ 3 سنوات وتفرج عنها الآن.. اعرف الحكاية

كشفت الإعلامية مى حلمى عن صور جديدة برفقة خطيبها المطرب محمد رشاد، مشيرة إلى أنها تم تصويرها منذ ثلاث سنوات، ولم تفصح عنها إلا الآن. وتحكى مى حلمى حكاية الصور التى التقطتها منذ 3 سنوات دون الإفصاح عنها، قائلة: "دول أحلى 3 سنين فى حياتى اللى عدو بالحلو والوحش على قد ما كان فى دموع كان قصادها فرحة.. الصور دى مستخبية بينا وبين أصحابنا وأهلنا من 3 سنين لحد النهاردة". وأضافت مى: "دول الناس الحلوة اللى فى حياتى.. وقفوا جمبى وقت زعلى وفى فرحى كمان، كل مرة كنا بنتصور صورة كنت بقول ياه لو ينفع انزلها وأقول بكرة ييجى وقته ونقول للناس كلها". واستطردت: "دى أحلى ذكريات ونص الصور المقصوصة بقيتها كمل.. كان نفسى أنزلها من زمان ولسه عندى كتير بس الفرق أنى بعد كدة هنزل الصور دى عشان أفتكر أنى عدى عليه وقت وحش أوى وجه بعديه وقت حلو أوى أوى". يذكر أن المذيعة مى حلمى والمطرب محمد رشاد أعلنا خطوبتهما منذ 3 سنوات، وهما الآن يحضران لمراسم الزفاف، ولم يعلنا عن موعد له حتى الآن.