فى ذكرى رحيلها.. حوار نادر لـ فاتن حمامة مع الإعلامى حاتم بطيشة

تحل، اليوم، الذكرى الرابعة، لرحيل سيدة الشاشة العربية فاتن حمامة، التى توفت 17 يناير 2015، عن عمر ناهز 83 عاما، قضت منها 60 عاما فى المجال الفنى قدمت خلالها العديد من الأدوار التى مازالت عالقة فى أذهان وعقول المشاهدين. وفى ذكرى وفاتها، نستعرض حوار نادر لسيدة الشاشةمع الإعلامى حاتم بطيشة، فى البرنامج الإذاعى "آخر كلام"، أكدت فيه أن حب مصر بالعمل والاجتهاد وليس بالأغانى والهتافات، وأن أفلام العنف هى سبب انحراف الشباب. وقالت فاتن من خلال الحوار: "مصر أم الدنيا وأمنا كلنا، بس إحنا مش بنحبها كفاية، لو إحنا اشتغلنا زيادة ونظفنا بلادنا والكلام ده للناس والحكومة، لو ماشية فى بيتى ولقيت ورقة مرمية بشيلها، يبقى عيب أكون ماشية فى الشارع وأرمى ورقة على الأرض، لازم أعتبر أن ده بيتى وده وطنى ويكون عندى حب أكثر للوطن، هى دى الوطنية وهى دى حب مصر، حب مصر مش بالأغانى والهتافات". وتابعت فاتن: "المفروض كل واحد فينا يكون مخلص فى عمله عشان يجيب نتيجة أكتر، أنا بطلب من اللى بيكنس الشارع يكنسه بذمة عشان وأنا ماشيه فيه ينشرح صدرى وبالتالى أروح لعملى وأنا مبتسمة، بطلب من سواق الأتوبيس ميكونش كشر فى وش الناس، بطلب من كل واحد نرجع تانى نقول السلام عليكم وصباح الخير، إحنا بطلنا الحاجات دى، لو كل واحد فينا حاول يريح اللى أدامه أو يسعد بكلمه فى الآخر حترجع الابتسامة تانى على وجوهنا وبالتالى حنشتغل شغلنا وإحنا أسعد". وأوضحت فاتن: "الجمهور عاوز كل شىء جيد وكل شىء يرتفع بإحساساته ويجمل الدنيا فى عينه، بلاش كلمة الجمهور عاوز كده وفى الأخر ننزل بيه". وكشفت فاتن: "أفلام العنف هى سبب انحراف الشباب، لما الطفل يكبر على أفلام ضرب وقتل خاصة أن هناك أطفالا تحب التقليد، وبالتالى تكون سببه فى عنفه وانحرافه عن المألوف، حتى أفلام الكارتون أصبح فيها عنف كثير".



الاكثر مشاهده

علماء العالم الإسلامي يُرشحون مركز الحماية الفكرية لإعداد موسوعة عن "المؤتلف الفكري الإسلامي"

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

;