أثنى الفنان أحمد فلوكس على طليقته وأم ابنه رابيا ربيع، وعلى أخلاقها، حتى بعد انفصالهما، موجها لها الشكر على ما فعلته معه واحترامها للعلاقة بينهما، وحفاظها على ابنهما، حيث قال أحمد فلوكس، عبر حسابه على فيس بوك، "الحقيقه عمر ما جت الفرصة و ده تقصير مني أن أشكر أم ابني رابيا ربيع بعد تعاملى مع ناس كتيرة ومواقف وتجارب شوفتها عرفتني الفرق بين ولاد الناس بجد و الفرق بين الست المحترمة اللي مابتسبش ابنها وبيتها و بين ناس تانية رامين عيالهم و مقضينها سهروخروج
وتابع، "ما بين واحدة بعد انفصالنا لم تتزوج و فنت نفسها لابنها و محترمة وضعها و سنها و ناس رامين عيالهم و جواز و من جوز لجوز لصاحب جوز و حاجة بشعه و ناسين عيالهم و لا محترمين سنهم ولا عيالهم ولا حتي شكلهم ....بشكرها على محافظتها لاسمى و سمعتى و إنها عمراها ما غلطت فيا و لا في حد و طول عمرها سند و ضهر "
وأضاف، "بشكرها إنها طول الوقت محافظه علي وضعى و مكانتى غير ناس تانيه ممكن يدمروا رجالتها و يطلعوا اسرارهم و يتكلموا عنهم... بشكرها علي تربيتها لابني و انها فنت حياتها و نسيت نفسها و مابقاش عندها حياه غير لابنها رغم ان عندها كل حاجه تخليها تعيش و تتبسط بس كاي ست محترمه قافله حياتها لابنها و بس و علي رغم من انفصالنا و لكن دايما صاينا اسمي و اسم ابني و بترفعه في السماء ... شكرا ليكي ..شكر لاحترامك لنفسك و لابني و لاسمي .. شكرا للي رباكى"
من جانبها ردت أم ابنه على كلامه قائلة، "ربنا يكرمك يا بابانا.. ويحميك لسيف اللي اتفقنا من غير كلام انه الروح والقلب والعين ربنا يحرسه لينا ويشوفنا دايما القدوة الحسنة ويقدرنا على تأدية أمانة تربيته على أحسن وجه ربنا يرضى عليه ويرضينا بيه ويجعله بار بينا .. وجود العلاقه الطيبه بينا طوال السنين اللي فاتت ان دل يدل على انك اب محترم سند وضهر وصديق جدع ...ربنا يكرمك في بنت ناس وأروح اخطبلك بنفسي وافرحلك الفرحة الكبيرة"
